আপোনাক সোৱাদ দিবলৈ সাজু টীয়কৰ এঠা দৈ ...

উৰুকাৰ বজাৰত দৈ বিক্ৰীৰ বাবে পুৱাই সাজু হৈছে টীয়ক ৰজাবাৰীৰ যুৱক সঞ্জীৱ শইকীয়া । টীয়ক, কলিয়াপানী আৰু জাঁজীৰ ভিন্ন বজাৰত মুকলি কৰিছে এই দৈ ৷

যোৰহাট, 13 এপ্ৰিল : আজি উৰুকা ৷ উৰুকাৰ বজাৰত দৈ বিক্ৰীৰ বাবে পুৱাই সাজু হৈছে টীয়ক ৰজাবাৰীৰ যুৱক সঞ্জীৱ শইকীয়া । দুগ্ধ ব্যৱসায়ৰ সৈতে দীৰ্ঘদিন জড়িত থকা সঞ্জীৱ শইকীয়াই টীয়ক, কলিয়াপানী আৰু জাঁজীবাসীক এঠা দৈৰ সোৱাদ দিবলৈ সাজু হৈ উঠিছে ৷ পুৱাই টীয়কৰ লগতে ভিন্ন ঠাইত বহা বজাৰত বিক্ৰীৰ বাবে সাজু কৰিছে প্ৰায় চাৰিশ দৈৰ টেকেলী ।
জাঁজীমুখৰ বিভিন্ন স্থানৰ পৰা সংগৃহীত গাখীৰৰে সাজু কৰা এই দৈ গ্ৰাহকৰ চাহিদা অনুযায়ী যোগান ধৰাৰ প্ৰয়াস সঞ্জীৱৰ । ইতিমধ্যে সঞ্জীৱে তেওঁৰ লগতে এই ব্যৱসায়ৰ জৰিয়তে আৰু চাৰি পাঁচটা পৰিয়ালৰ আয়ৰ পথ সুগম কৰিছে ।