টীয়ক, ১২ মে': টীয়কত জাঁজী নৈৰ বনাই পঠলিয়ালৰ সমীপৰ বিধ্বস্ত মথাউৰিয়ে চিন্তিত কৰিছে নৈপৰীয়া ৰাইজক। বিগত বছৰো জলসম্পদ বিভাগে নৈখনৰ নিচেই কাষতে লাগি থকা মথাউৰিটোৰ সুৰক্ষাৰ বাবে কোনো কাম নকৰাত অসন্তুষ্ট হৈ পৰিছে অঞ্চলটোৰ ৰাইজ । বান নিয়ন্ত্ৰণ আৰু প্ৰাকৃতিক সম্পদ মন্ত্ৰণালয়ৰ আঁচনিৰ অধীনত প্ৰায় পয়ত্ৰিশ লাখ টকা আৱন্টনেৰে নিৰ্মাণ কৰিবলগীয়া মথাউৰিটোৰ কাম আজিকোপতি সম্পূৰ্ণ হৈ নুঠিল । অভিযোগ অনুসৰি কেৱল মথাউৰিটোৰ কাষৰ বন চিকুনাই আঁচনিৰ সমুদায় ধন জলসম্পদ বিভাগৰ একাংশ বিষয়াই হৰলুকী কৰিছে ।
ভয়াৱহ বানৰ ভাবুকি কঢ়িয়াইছে জাঁজী নৈৰ মথাউৰিয়ে