টীয়ক , 19 মে’ :যোৰহাট জিলাৰ টীয়কত বুধবাৰে যোগান বিভাগে হঠাতে চলালে অভিযান ৷ নিত্যব্যৱহাৰ্য সামগ্ৰীৰ অত্যাধিক দাম লোৱা ব্যৱসায়ীক সকীয়নি প্ৰদান কৰি টীয়কৰ বজাৰত হঠাৎ যোগান বিভাগে চলালে এই অভিযান । যোগান পৰিদৰ্শক মুখ্যধৰ দাসৰ নেতৃত্বত দোকানে দোকানে অত্যাৱশ্যকীয় সামগ্ৰীৰ বৰ্ধিত মূল্যক লৈ বিভাগটোৱে চলালে এই অভিযান । নিৰ্ধাৰিত মূল্যতকৈ অধিক দাম লোৱা ব্যৱসায়ীক সকীয়নি প্ৰদান কৰিলে যোগান বিভাগে ।
যি সময়ত ক'ভিড -১৯ মহামাৰীয়ে ভয়াৱহ ৰূপ ধাৰণ কৰাৰ সময়ত একাংশ ব্যৱসায়ীয়ে নিত্য ব্যৱহাৰ্য সামগ্ৰীৰ মূল্য অধিক হাৰত বঢ়াই যোৱাৰ অভিযোগ উত্থাপন হৈ আহিছে । সেই সময়তে কোনো ব্যৱসায়ীয়ে যাতে সাধাৰণ জনতাৰ মূৰত মাধমাৰ সোধাই অধিক দাম ল’ব নোৱাৰে সেই লৈ এতিয়া কঠোৰ হৈ পৰিছে যোগান বিভাগ ।