যোৰহাটৰ সংবাদ গোষ্ঠীৰ কাৰ্যালয়ত দুৰ্বৃত্তৰ আক্ৰমণ

যোৰহাটৰ এটা ব্যক্তিগত খণ্ডৰ সংবাদ গোষ্ঠীৰ কাৰ্যালয়ত দুৰ্বৃত্তৰ আক্ৰমণ ৷ আক্ৰমণত আহত নৈশ কৰ্তব্য পালনত ব্যস্ত জিণ্টু শইকীয়া নামৰ সাংবাদিকগৰাকী ৷ গুৰুতৰভাৱে আহত দুজন ৷

যোৰহাট,17 ফেব্ৰুৱাৰী:মঙলবাৰে নিশা যোৰহাটৰ এটা ব্যক্তিগত খণ্ডৰ সংবাদ গোষ্ঠীৰ কাৰ্যালয়ত দুৰ্বৃত্তৰ আক্ৰমণ ৷ প্ৰায় 12-15 জনীয়া এটা দুৰ্বৃত্তৰ দলে আক্ৰমণ চলাই কাৰ্যালয়টোৰ ক্ষতিসাধন কৰে ৷ যাৰ ফলত কাৰ্যালয়টোত থকা জিণ্টু শইকীয়া নামৰ সাংবাদিকগৰাকীৰ লগতে প্ৰকাশ কৰ্মকাৰ আৰু আন এগৰাকী যুৱক গুৰুতৰভাৱে আহত হয় ৷ AS 01 AN 1699 নম্বৰৰ এখন ৱেগনাৰ বাহনত অহা দুৰ্বৃত্তৰ দলটোৰ বিৰুদ্ধে আৰক্ষীয়ে আৰম্ভ কৰিছে অভিযান ৷

উল্লেখ্য যে, দলটোৱে ব্যৱহাৰ কৰা ৱেগনাৰ বাহনখন ইতিমধ্যে আৰক্ষীয়ে জব্দ কৰাৰ লগতে জীৱন বৰা, শ্যামলজ্যোতি বৰা আৰু ভবেন গগৈ নামৰ তিনিজন যুৱকক ঘটনা সন্দৰ্ভত আটক কৰিছে ৷ এই ঘটনাত জড়িত আন ব্যক্তিকেইগৰাকীৰ বিৰুদ্ধে ইতিমধ্যে যোৰহাট আৰক্ষীয়ে তীব্র অভিযান আৰম্ভ কৰিছে ৷

লগতে পঢ়ক:খাৰুপেটীয়াত ভুমি বিবাদক লৈ প্ৰচণ্ড মাৰপিটৰ ঘটনা