কেইগৰাকীমান উদীয়মান যুৱক-যুৱতী যোৰহাট, 18 এপ্ৰিল :চৰ্চালৈ আহিছে যোৰহাটৰ নৱ-প্ৰজন্মৰ কেইবাগৰাকীও যুৱক-যুৱতী ৷ বিহুনাচ আৰু থলুৱা বাদ্যযন্ত্ৰ বজাই গীনিজ বুক অৱ্ ৱৰ্ল্ড ৰেকৰ্ডছত অসমৰ নাম অন্তৰ্ভুক্ত কৰি অহা এই কেইজন বিহুৱা-বিহুৱতীয়ে নিজৰ কষ্টোপাৰ্জিত ধনেৰে সহায় কৰিব বিচাৰিছে কোনোবা দৰিদ্ৰ পৰিয়ীলৰ শিক্ষাৰ্থীক ৷
বিহু অসমীয়াৰ সদায়েই আদৰৰ ৷ কিন্তু এইবাৰৰ বিহু প্ৰতিজন অসমীয়াৰ বাবে বিশেষ হৈ ৰ’ব যিহেতু ৰাজ্য চৰকাৰৰ প্ৰচেষ্টাত গুৱাহাটীৰ সৰুসজাই ষ্টেডিয়ামত একেলগে 11,304 গৰাকী বিহুৱা-বিহুৱতীয়ে একেলগে বিহুনাচ প্ৰদৰ্শন কৰি গীনিজ বুক অৱ্ ৱৰ্ল্ড ৰেকৰ্ডছত নাম সন্নিৱিষ্ট কৰে (Assam bihu in Guinness book of world record) ৷ মাৰ্চ মাহৰ শেষৰ ভাগৰ পৰা এপ্ৰিললৈকে একেৰাহে অনুশীলনত ব্যস্ত থাকি এই সফলতা অৰ্জনত অৰিহণা যোগোৱা প্ৰতিজনলৈ চৰকাৰে 25 হাজাৰ টকাকৈ মাননি আগবঢ়াইছে ৷ বিশ্ব দৰৱাৰত অসমৰ নাম অন্তৰ্ভুক্ত কৰি অংশগ্ৰহণকাৰী সকল উৎফুল্লিত হৈ পৰে সাহাৰ্য লাভ কৰি ।
কেইগৰাকীমান উদীয়মান যুৱক-যুৱতী ৰাজ্যৰ প্ৰায় প্ৰতিখন জিলাৰ পৰাই দুশৰো অধিক বিহুৱা-বিহুৱতীয়ে অংশ লয় এই মেগা বিহু অনুষ্ঠানত ৷ যোৰহাটৰ পৰাও গৈছিল সৰহ সংখ্যক বিহুৱা-বিহুৱতী ৷ ইয়াৰে এতিয়া কেইবাজনো যুৱক-যুৱতী আগবাঢ়িছে এক প্ৰশংসনীয় পদক্ষেপ আগত লৈ ৷ বিশ্ব ৰেকৰ্ডত অংশগ্ৰহণ কৰি পোৱা ধনেৰে দ্ৰৰিদ্ৰ শিক্ষাৰ্থীক সহায় কৰিব বিচাৰিছে তেওঁলোকে ৷ যোৰহাটৰ অম্লান জ্যোতি ভৰালী, অভিজিত শইকীয়া, দৃষ্টি দত্তকে ধৰি আৰু কেইবাজনেও গ্ৰহণ কৰিছে এই প্ৰশংসনীয় পদক্ষেপ (Jorhat youths who contributed in world record) ।
কেইগৰাকীমান উদীয়মান যুৱক-যুৱতী এওঁলোকৰ এই বাৰ্তা বিয়পি পৰাৰ পিছতে খোজত খোজ মিলাই এতিয়া লগ দিছে অসংখ্য জনে । বিশ্ব ৰেকৰ্ড কৰি লাভ কৰা টকাৰে এওঁলোকে দুখীয়া পৰিয়ালৰ ছাত্ৰ-ছাত্ৰীসকলৰ কিতাপ পত্ৰ কিনি দি সহায় কৰাৰ বাবে আগবাঢ়ি আহিছে । এওঁলোকৰ মহান প্ৰচেষ্টাক এতিয়া সকলোৰে প্ৰশংসাৰে ওপচাই পেলাইছে । উক্ত যুৱক যুৱতী কেইজনে দৰিদ্ৰ ঘৰৰ শিক্ষাৰ্থীক কিতাপ-পত্ৰ কিনি সহায় কৰি দিম বুলি ছ’চিয়েল মিডিয়াত দিয়া পোষ্টে বৰ্তমান ব্যাপক ভাৱে প্ৰশংসা লাভ কৰিছে (Jorhat youths willing to help poor students) ।
লগতে পঢ়ক :Latasil Bihu Samragi 2023 : প্ৰতিক্ষাৰাণী বৰগোঁহাইৰ শিৰত জিলিকিল লতাশিল বিহু সম্ৰাজ্ঞী 2023 ৰ মুকুট
