যোৰহাট, 11 মাৰ্চঃকেনেদৰে আছে বিভিন্ন দেশৰ পৰা অহা অসম ভ্ৰমণলৈ অহা ২৯ জন পৰ্যটক। বিগত এসপ্তাহৰ আগতে ভূটানত এগৰাকী আমেৰিকাৰ পৰ্যটকৰ গাত মাৰাত্মক কৰ'ণা ভাইৰাছৰ বীজাণু ধৰা পৰাৰ পিছতেই তৎপৰ হৈ পৰিছিল যোৰহাট জিলা প্ৰশাসন। কিয়নো ভূটানলৈ যোৱাৰ আগতে সেই কৰ'ণা ভাইৰাছত আক্ৰান্ত পৰ্যটকজনে ভ্ৰমণ কৰিছিল যোৰহাট আৰু মাজুলীৰ কেইবাখনো ঠাই । ২২ ফেব্ৰুৱাৰীত নিশা যাপন কৰিছিল তিতাবৰৰ বিলাসী ঠেঙাল মেনৰত। আৰু তাৰ পিছতেই ২৩ ফেব্ৰুৱাৰীত কাজিৰঙা হৈ গুৱাহাটীলৈ ঘুৰি গৈছিল এম ভি মহাবাহু নামৰ বিলাসী ফেৰী খনত । ইয়াৰ পাছত এম ভি মহাবাহু নামৰ ফেৰী খনে গুৱাহাটীৰ পৰা ঘূৰি আহি ৭ মাৰ্চত উপস্থিত হৈছিলহি যোৰহাটৰ নিমাটিঘাটত। তেতিয়াৰ পৰা সম্পূৰ্ণ পৃথকভাৱে ৰাখি থোৱা হৈছে এম ভি মহাবাহু নামৰ ক্ৰুইজ ছীপ খনৰ লগতে তাত থকা ২২ পৰ্যটকক আৰু ২৯ জন কৰ্মচাৰীক।
কেনে আছে যোৰহাটৰ এম ভি মহাবাহু ?