চান্দাৰ বিৰুদ্ধে যোৰহাট ব্যৱসায়ী সন্থা

ভাবুকিৰে সংগ্ৰহ কৰা অৰিহণাৰ সন্দৰ্ভত জিলা উপায়ুক্ত আৰু আৰক্ষী অধীক্ষকক অৱগত কৰে ব্যৱসায়ী সন্থাই । লগতে সকলো জাতীয় সংগঠনৰ প্ৰতি শ্ৰদ্ধাৰে আগবঢ়োৱা বিহুৰ অৰিহণা সন্মান সহকাৰে গ্ৰহণ কৰিবলৈ অনুৰোধ কৰে ব্যৱসায়ী সন্থাৰ বিষয়ববীয়াৰ সকলে ।

যোৰহাট, ২৫ এপ্ৰিলঃ যোৰহাট চেম্বাৰছ অৱ কৰ্মাচ ভৱনত বিহু অৰিহণাৰ বিৰুদ্ধে যোৰহাট ব্যৱসায়ী সন্থাৰ গুৰুত্বপূৰ্ণ বৈঠক । একাংশ জাতীয় সংগঠনৰ নেতা-পালিনেতাৰ আচৰণত ক্ষুব্ধ যোৰহাটৰ ব্যৱসায়ী ।

বিহুৰ নামত একাংশ সংগঠনে জোৰ-জোলোমকৈ তথা ভাবুকিৰে বিভিন্ন ব্যৱসায়ীৰ পৰা একাংশ জাতীয় সংগঠনৰ নামধাৰী নেতা-পালি নেতাই হকে বিহকে বিহুৰ নামত চান্দা সংগ্ৰহ কৰি ব্যতিব্যস্ত কৰি তোলাৰ অভিযোগ যোৰহাটৰ ব্যৱসায়ী সকলৰ । উল্লেখযোগ্য যে, একাংশ ব্যৱসায়ীক প্ৰতিষ্ঠানক এক লাখ টকালৈ বিহুৰ নামত ধন দাবী কৰাৰ অভিযোগ উত্থাপন কৰিছে ব্যৱসায়ী সকলে । জোৰ-জুলুম তথা ভাবুকিৰে সংগ্ৰহ কৰা অৰিহণাৰ সন্দৰ্ভত জিলা উপায়ুক্ত আৰু আৰক্ষী অধীক্ষকক অৱগত কৰে ব্যৱসায়ী সন্থাই । লগতে সকলো জাতীয় সংগঠনৰ প্ৰতি শ্ৰদ্ধাৰে আগবঢ়োৱা বিহুৰ অৰিহণা সন্মান সহকাৰে গ্ৰহণ কৰিবলৈ অনুৰোধ কৰে ব্যৱসায়ী সন্থাটোৰ বিষয়ববীয়াসকলে ।

আৰু পঢ়কঃ গোগামুখত পালন ব’হাগী উৎসৱ 2019