যোৰহাট,15 জুন: যোৰহাটৰ বৰহোলাত সংঘটিত হৈছে ভয়ংকৰ ঘটনা ৷ দেওবাৰে নিশা সেনাবাহিনীয়ে অভিযান চলাই আটক কৰি নিয়াৰ পিছতে ৰহস্যজনক ভাৱে মৃত্যু হৈছে জয়ন্ত বৰা নামৰ এজন যুৱকৰ । সেনাৰ অত্যাচাৰৰ ফলতে যুৱকজনৰ মৃত্যু হোৱাৰ সন্দেহ পৰিয়ালৰ লোকৰ ৷
যোৰহাটত সেনাই আটক কৰি নিয়া যুৱকৰ ৰহস্যজনক মৃত্যু
উল্লেখ্য যে, দেওবাৰে মাজনিশা প্ৰায় 12 বজাত জয়ন্ত বৰাৰ বাসগৃহত উপস্থিত হয় সেনাবাহিনীৰ এটা দল ৷ উপস্থিত হৈয়ে কোনো কাৰণ নজনোৱাকৈ যুৱকজনৰ কোঠাত তালাচী চলাই সেনাৰ দলটোৱে ৷ তালাচীৰ সময়ত যুৱক জনৰ ম'বাইল ফোনটো জব্দ কৰি যুৱক জনক ঘৰৰ পৰা লৈ যায় সেনাৰ দলটোৱে ৷