যোৰহাট, ২৮ ফেব্ৰুৱাৰী: যোৰহাটত দিগদৰ্শন প্ৰকাশনৰ উদ্যোগত এখনি গ্ৰন্থ উন্মোচনী সভা অনুষ্ঠিত হয় । অসমৰ অন্যতম প্ৰকাশন গোষ্ঠী দিগদৰ্শন প্ৰকাশনৰ সৌজন্যত ২৮ ফেব্ৰুৱাৰীত গ্ৰন্থ উন্মোচনী সভা আৰু কবিতা পাঠৰ অনুষ্ঠান আয়োজন কৰা হয় । জিলাখনৰ পশ্চিম যোৰহাট সাংবাদিক সংস্থাৰ কাৰ্যালয় 'সংবাদ ভৱন'ত অনুষ্ঠিত হয় এই গ্ৰন্থ উন্মোচনী সভা আৰু কবিতা পাঠৰ অনুষ্ঠান ।
যোৰহাটত দিগদৰ্শন প্ৰকাশনৰ গ্ৰন্থ উন্মোচনীত দুখনকৈ গ্ৰন্থ উন্মোচন
যোৰহাটত দিগদৰ্শন প্ৰকাশনৰ গ্ৰন্থ উন্মোচনী সভা । বিশ্বনাথ জিলাৰ গহপুৰৰ উদীয়মান লেখিকা দিপালী তচাৰ কাব্যগ্ৰন্থ 'চাহ গছৰ আঁৰে-আঁৰে' আৰু গোলাঘাটৰ কবি উষাৰাণী দেৱীৰ কাব্যগ্ৰন্থ 'কাব্য অংকুৰণ' উন্মোচন কৰা হয় ।
যোৰহাটত দিগদৰ্শন প্ৰকাশনৰ গ্ৰন্থ উন্মোচনীত দুখনকৈ গ্ৰন্থ উন্মোচন
উক্ত অনুষ্ঠানত দিগদৰ্শন প্ৰকাশনৰ দ্বাৰা প্ৰকাশিত বিশ্বনাথ জিলাৰ গহপুৰৰ উদীয়মান লেখিকা দিপালী তচাৰ কাব্যগ্ৰন্থ 'চাহ গছৰ আঁৰে-আঁৰে' আৰু গোলাঘাটৰ কবি উষাৰাণী দেৱীৰ কাব্যগ্ৰন্থ 'কাব্য অংকুৰণ' উন্মোচন কৰা হয় । অনুষ্ঠানটোত বিশিষ্ট লেখিকা নিৰ্মালী গোস্বামী, আৰতি বৰুৱা ফুকন, সুষমা গোস্বামী, দিপালী তচা আৰু বিশিষ্ট সমাজ সংগঠক গোবিন চন্দ্ৰ দাসক দিগদৰ্শন প্ৰকাশনৰ তৰফৰ পৰা সম্বৰ্ধনা জ্ঞাপন কৰা হয় । স্মৰ্তব্য যে, দিগদৰ্শনৰ এই অনুষ্ঠানৰ সময়ত সাহিত্যানুৰাগী ৰাইজৰ উপস্থিতিত উন্মোচন কৰা হয় দুখনকৈ গ্ৰন্থৰ ।