ষ্টেট বেংকৰ একাউণ্টৰ পৰা হৰলুকি ৮০ হেজাৰ টকা

পূৰ্বেও আন কেইবাজনো গ্ৰাহকৰ একাউণ্টৰ ধন দুষ্ট চক্ৰই মোকলাই নিছিল যদিও আৰক্ষী তথা বেংক কৰ্তৃপক্ষই এতিয়া লৈকৈ চিনাক্ত কৰিবলৈ সক্ষম হোৱা নাই দুষ্ট চক্ৰটোক ।

যোৰহাট, ৩ মেঃ যোৰহাটৰ টীয়ক ভাৰতীয় ষ্টেট বেংকৰ এগৰাকী গ্ৰাহকৰ একাউণ্টৰ পৰা হৰলুকি ৪০ হেজাৰ টকা। কোনো দুষ্ট চক্ৰই উলিয়াই নিয়াৰ সন্দেহ গ্ৰাহকজনৰ।

লক্ষীৰাম চাহু নামৰ গ্ৰাহক জনৰ 10758395195 নম্বৰৰ একাউন্টৰ পৰা ২ মে'ৰ দিনা গুৱাহাটীৰ জি এচ ৰোডৰ এটা এ টি এমৰ পৰা ৪০ হাজাৰ টকা এ টি এম কাৰ্ডৰে আৰু বাকী ৪০ হাজাৰ টকা এ টি এম ট্ৰেন্সফাৰৰ যোগেদি মুকলাই নিয়ে। গ্ৰাহক জনৰ নিজৰ হাতত এ টি এম থকাৰ পাছতো কি দৰে দুষ্ট চক্ৰই গ্ৰাহকজনৰ অজ্ঞাতে এনেদৰে ধন মুকলাই নিলে, সেই লৈ ৰহস্যৰ সৃষ্টি হৈছে । ইতিমধ্যে চাহুয়ে উক্ত ঘটনা সন্দৰ্ভত টীয়ক আৰক্ষী থানাত এক গোচৰ ৰুজু কৰিছে । উল্লেখ্য যে, ইয়াৰ পূৰ্বেও আন কেইবাজনো গ্ৰাহকৰ একাউণ্টৰ ধন দুষ্ট চক্ৰই উলিয়াই নিছিল যদিও আৰক্ষী তথা বেংক কৰ্তৃপক্ষই এতিয়া লৈকে চিনাক্ত কৰিবলৈ সক্ষম হোৱা নাই দুষ্ট চক্ৰটোক।

অধিক পঢ়িবলৈ-সৰুপথাৰত এন আৰ চিৰ নামত ধন লৈ গ্ৰেপ্তাৰ তিনি কৰ্মী