যোৰহাট, 16 জুলাই : চলিত মাহৰ 31 তাৰিখে প্ৰকাশ পাব বহু প্ৰতিক্ষিত ৰাষ্ট্ৰীয় নাগৰিকপঞ্জীৰ সম্পূৰ্ণ খচৰা ৷ সেয়েহে ইয়াৰ ফলত সন্মুখীন হ'ব লগা সম্ভাব্য পৰিস্থিতিৰ সৈতে মোকাবিলা কৰাৰ প্ৰতি লক্ষ্য ৰাখি ৰাজ্যৰ অতিৰিক্ত মুখ্য সচিব গৃহ আৰু ৰাজনৈতিক বিভাগৰ সঞ্চালক কুমাৰ সঞ্জয় কৃষণে উজনি অসম ভ্ৰমণ কৰে ৷ যোৰহাট জিলাৰ আৰ্ৱত ভৱন, যোৰহাট জিলা প্ৰশাসন, আৰক্ষী অধীক্ষকৰ লগতে যোৰহাটৰ ১৮ টাকৈ জাতীয় সংগঠনৰ লগত আলোচনাত মিলিত হয় অতিৰিক্ত মুখ্য সচিব গৰাকী ৷
ৰাজ্য চৰকাৰৰ মুখ্য সচিব গৰাকীয়ে মন্তব্য কৰা অনুসৰি, ছ'চিয়েল মিডিয়াৰ জৰিয়তে একাংশ জাতীয় সংগঠনৰ কৰ্মীয়ে নাগৰিকপঞ্জী সম্পৰ্কত বিভ্ৰান্তিকৰ মন্তব্য আগবঢ়াবলৈ সুযোগ যাতে নাপাই তাৰ প্ৰতিও লক্ষ্য ৰাখিবলৈ আহ্বান জনায় । অতি শীঘ্ৰে সমগ্ৰ ৰাজ্যৰ লগতে প্ৰতিখন জিলাতেই ৰাষ্ট্ৰীয় নাগৰিক পঞ্জীৰ বাবে এটাকৈ হেল্পলাইন নম্বৰ মুকলি কৰিব বুলিও জানিবলৈ দিয়ে অতিৰিক্ত মুখ্য সচিব গৰাকীয়ে । উল্লেখযোগ্য যে, জাতীয় সংগঠনৰ সৈতে হোৱা বৈঠকত ৰাজ্যখনৰ আৰক্ষীৰ উচ্চ পদস্থ বিষয়া হিৰেণ নাথ, মুকেশ আগৰৱালা, যোৰহাট জিলা প্ৰশাসনৰ উপায়ুক্তৰ লগতে নাগৰিক পঞ্জীৰে জড়িত বিষয়া উপস্থিত থাকে ।
লগতে পঢ়কঃ যিকোনো মূহুৰ্তত ডুবিব পাৰে উত্তৰ পূৱৰ দুৱাৰমুখ গুৱাহাটী