যোৰহাট,20 ছেপ্তেম্বৰ: যোৰহাট আৰক্ষীৰ এক বিশেষ সফল অভিযান ৷ শনিবাৰে নিশা আৰক্ষীয়ে চলোৱা এক অভিযানত উদ্ধাৰ হৈছে বৃহৎ পৰিমাণৰ মাৰণাস্ত্ৰ ৷ মাৰণাস্ত্ৰ সমূহৰ লগতে আৰক্ষীয়ে ঘটনা সন্দৰ্ভত আটক কৰে এগৰাকী যুৱকক ৷ আটকাধীন যুৱকগৰাকী যোৰহাটৰ ককিলামুখৰ ৰূপক দত্ত বুলি জানিব পৰা গৈছে ৷ ইতিমধ্যে আৰক্ষীয়ে যুৱকগৰাকীৰ পৰা 55 ৰাউণ্ড গুলী সহ এটা 9 এম এম পিষ্টল আৰু এটা .22 ৰিভলভাৰ উদ্ধাৰ কৰে ৷ ৰূপক নামৰ যুৱকগৰাকীয়ে মাৰণাস্ত্ৰ আৰু গুলীসমূহ চহৰৰ মাজমজিয়াৰ পূবেৰুণ পথৰ এটা ভাড়াঘৰত লুকুৱাই ৰাখিছিল ৷ এক বিশেষ সূত্ৰ পম খেদি আৰক্ষীয়ে এই অভিযান চলাইছিল ৷
মাৰণাস্ত্ৰ সহ যুৱক আটক