হোজাই, 15 জুলাই :হোজাই জিলাৰ লংকাত বৃহস্পতিবাৰে পুৱা স্থানীয় লোকে চোৰাংভাৱে কঢ়িওৱা ২০ টা গৰু জব্দ কৰা হয় । হোজাইৰ লংকা-লামডিং ৰোডত প্ৰাতঃভ্ৰমণত অহা লোকে গৰুকেইটা লৈ গৈ থকা অৱস্থাত প্ৰত্যক্ষ কৰি সন্দেহ ওপজাত লংকা আৰক্ষী (Lanka Police)ক অৱগত কৰে ৷ লংকা আৰক্ষী ঘটনাস্থলীত উপস্থিত হৈ গৰুকেইটা জব্দ কৰে ।
গৰু সৰবৰাহকাৰী (Cow Smuggler) কেইটাই গৰুবোৰ লংকাৰ পৰা নীলবাগান, মোৰাঝাৰ আৰু ইছলাম নগৰলৈ নিয়াৰ কথা আৰক্ষী (Lanka Police)ৰ আগত ব্যক্ত কৰে ৷ সৰবৰাহকাৰী কেইটাৰ লগত নাছিল কোনো পৰ্যাপ্ত নথিপত্ৰ । বৰ্তমান লংকা আৰক্ষী থানাত গৰু (Cow)কেইটা ৰাখি লংকা আৰক্ষী (Lanka Police)য়ে ঘটনাৰ তদন্ত অব্যাহত ৰাখিছে । গৰু (Cow)কেইটাৰ গৰাকীয়ে উপযুক্ত নথি দেখুৱালে গৰু (Cow)কেইটা গৰাকীৰ হাতত গতাই দিয়া হ’ব বুলি জানিবলৈ দিয়ে লংকা আৰক্ষী (Lanka Police)য়ে ।