হোজাই জনসভাত অৰুণ জেটলীক মুখ্যমন্ত্ৰীৰ শ্ৰদ্ধাঞ্জলি

হোজাইত মুখ্যমন্ত্ৰী সৰ্বানন্দ সোণোৱালে শ্ৰদ্ধাঞ্জলি জনালে সদ্য প্ৰয়াত প্ৰাক্তন কেন্দ্ৰীয় মন্ত্ৰী অৰুণ জেটলীক ৷

হোজাই, 24 আগষ্ট : হোজাইত জনসভাত অংশগ্ৰহণ কৰিবলৈ গৈ দেশৰ প্ৰাক্তন বিত্তমন্ত্ৰী অৰুণ জেটলীৰ মৃত্যুৰ বাতৰিত মৰ্মাহত হৈ পৰে মুখ্যমন্ত্ৰী সৰ্বানন্দ সোণোৱাল ৷ সভাৰ আৰম্ভণিতেই সদ্য প্ৰয়াত ৰাজনীতিবিদ অৰুণ জেটলীৰ আত্মাৰ সদগতিৰ বাবে তেওঁৰ প্ৰতিচ্ছবিৰ সন্মুখত বন্তি প্ৰজ্বলন আৰু মাল্যাৰ্পণ কৰে অসমৰ মুখ্যমন্ত্ৰী সৰ্বানন্দ সোণোৱালৰ লগতে সভাত উপস্থিত আন মন্ত্ৰী তথা বিধায়কসকলে | লগতে সভাত এক মিনিট মৌন প্ৰাৰ্থনাও কৰা হয় | শনিবাৰে সদৌ অসম আগৰ খেতিয়ক আৰু ব্যৱসায়ী কল্যান সমিতিৰ উদ্যোগত অনুষ্ঠিত হোৱা অভিনন্দন জনসভাত মূখ্য অতিথি হিচাপে অংশগ্ৰহণ কৰে মূখ্যমন্ত্ৰী সৰ্বানন্দ সোণোৱালে |