গা ধুবলৈ গৈ মৃত্যুক সাৱটি ল’লে এজন কিশোৰে

শুকুৰবাৰে লামডিঙৰ ঝুলনপুলত ৰে’লৱে পানীৰ টেংকীত গা ধুবলৈ গৈ মৃত্যুমুখত পৰে এজন 17 বছৰীয়া কিশোৰে ৷ আনহাতে ৰোহিতৰ সৈতে থকা আন তিনিজনক জীৱন্তে উদ্ধাৰ কৰে স্থানীয় যুৱকে ৷

হোজাই,23 এপ্ৰিল : হোজাই জিলাৰ লামডিঙৰ ঝুলনপুলত শুকুৰবাৰে সংঘটিত হৈছে এক অঘটন ৷ ঝুলনপুলৰ ৰে’লৱে পানীৰ টেংকীত গা ধুবলৈ গৈ সলিল সমাধি ঘটে এজন 17 বছৰীয়া কিশোৰৰ ৷

ঝুলনপুল নিৱাসী ৰোহিত সিং নামৰ কিশোৰজনে গা ধুবলৈ গৈ মৃত্যুমুখত পৰে ৷ আনহাতে ৰোহিতৰ সৈতে থকা আন তিনিজনক জীৱন্তে উদ্ধাৰ কৰে অমন কাহাৰ নামৰ এজন স্থানীয় যুৱকে ৷

অৱশেষত লামডিং আৰক্ষীৰ তৎপৰতাত লামডিং আপতকালীন বিভাগ আৰু এচডিআৰএফ বাহিনীয়ে উদ্ধাৰ অভিযান চলাই ৰোহিতৰ মৃতদেহ উদ্ধাৰ কৰিবলৈ সক্ষম হয় ৷

লগতে পঢ়ক :দৰঙত বগা হাতীত পৰিণত ক'ভিড বিধি