হোজাই, 31 ডিচেম্বৰ :ৰাজ্যত ক্ৰমাত ভয়ংকৰ ৰূপ ধাৰণ কৰিছে হাতী মানুহৰ সংঘাতে। সঘনাই বন্যহস্তীয়ে চলোৱা উপদ্ৰৱৰ বাবে এতিয়া আতংকিত হৈ পৰিছে গঞা। ৰাজ্যৰ বিভিন্ন প্ৰান্তত খাদ্যৰ সন্ধানত বনাঞ্চল এৰি জনাঞ্চলত প্ৰৱেশ কৰা বন্যহস্তীয়ে জনবসতিপূৰ্ণ এলেকাত নিতৌ চলাই গৈছে তাণ্ডৱ।
হোজাই জিলাৰ ৭নং পূব উদালীত বৃহস্পতিবাৰে দিন দুপৰতে উপদ্ৰৱ চলালে বনৰীয়া হাতীয়ে। দুটাকৈ বন্যহস্তীয়ে ৭নং পূব উদালীৰ কৃষ্ণাই ঘাট ব্লকত চলোৱা তাণ্ডৱত ভাঙি চুৰমাৰ কৰিলে প্ৰায় ১২টাকৈ বাসগৃহ। কেৱল বাসগৃহই নহয় ভঁৰালৰ ধান খাইও ভঁৰাল ভাঙি বিস্তৰ ক্ষতি সাধন কৰিলে বন্যহস্তী দুটাই । বন্যহস্তীৰ আক্ৰমণৰ পৰা কথমপিহে প্ৰাণ ৰক্ষা পৰে কেবাটাও পৰিয়ালৰ।