হোজাই,15মাৰ্চ-- শুকুৰবাৰে হোজাইৰ কাকী আৰক্ষীয়ে আটক কৰে খিলঞ্জীয়া অধিকাৰ মৰ্চাৰ প্ৰতিষ্ঠাপক সম্পাদক অমিতাভ শৰ্মাক ৷ এগৰাকী বিবাহিত মহিলাক অপহৰণ আৰু বিক্ৰী কৰাৰ অভিযোগত হোজাই জিলাৰ কাকী আৰক্ষীয়ে আটক কৰে খিলঞ্জীয়া অধিকাৰ মৰ্চা নামৰ সংগঠনটোৰ প্ৰতিষ্ঠাপক সম্পাদক অমিতাভ শৰ্মাক।
উল্লেখযোগ্য যে ৫ মাহ পূৰ্বে মহিলাগৰাকীৰ সৈতে ফে'চবুকৰ জৰিয়তে চিনাকী হৈছিল অমিতাভৰ ৷ তিনিটা সন্তানৰ সৈতে কাকী টিলাবজাৰত বাস কৰা মহিলাগৰাকীক ২৪ জানুৱাৰীত অমিতাভে খিলঞ্জীয়া মৰ্চাৰ মিটিং আছে বুলি গুৱাহাটীলৈ মাতি নি বৰ্লপূৰ্বকভাৱে নেপাললৈ লৈ যায়। নেপালত নি মহিলাগৰাকীক শাৰিৰীক আৰু মানসিক নিৰ্যাতন চলোৱাৰ উপৰিমহিলাগৰাকীক ভয়-ভাবুকিৰে আবদ্ধ কৰি ৰাখি অমিতাভ শৰ্মাই খিলঞ্জীয়া অধিকাৰ মৰ্চা নামৰ সংগঠনটোৰ হৈ কাম কৰিবলৈ তীব্ৰ হেঁচা প্ৰয়োগ কৰে ৷ লগতে হোজাই সমষ্টিৰ বিধায়ক শিলাদিত্য দেৱক হত্যা কৰিবলৈ প্ৰৰোচিত কৰা বুলি বিস্ফোৰক মন্তব্য আগবঢ়ায় মহিলাগৰাকীয়ে ৷ অমিতাভ শৰ্মাই মহিলাগৰাকীক ভীতি প্ৰদৰ্শনৰে নেপালত অসমৰ মুখ্যমন্ত্ৰী সৰ্বানন্দ সোণোৱাল,প্ৰধানমন্ত্ৰী নৰেন্দ্ৰ মোদীয়েও তেওক একো কৰিব নোৱাৰে বুলিও ভয় খুৱায়মহিলাগৰাকীক ।