হোজাই জিলাত ৰাইজে জব্দ কৰিলে কয়লা ভৰ্তি ট্ৰাক

উমৰাংচুৰ পৰা লংকাৰ মাজেৰে নিতৌ কয়লা সৰবৰাহ হৈ থকাৰ মাজতে মঙলবাৰে হোজাই জিলাৰ স্থানীয় ৰাইজে লংকাৰ লালুংডুবিত জব্দ কৰে চাৰিখন কয়লা ভৰ্তি ট্ৰাক ৷

হোজাই,12 জানুৱাৰী : হোজাই জিলাৰ লংকাৰ মাজেৰে নিতৌ কয়লা সৰবৰাহ হৈ থকাৰ মাজতে মঙলবাৰে হোজাই জিলাৰ ৰাইজে জব্দ কৰিছে কয়লা ভৰ্তি ট্ৰাক ৷ লংকাৰ লালুংডুবিত নিশা ৰাইজে জব্দ কৰে চাৰিখন কয়লা ভৰ্তি ট্ৰাক ৷ AS 01LC 4025, NL01AC 4457, AS 01HC 0950 আৰু NL 01AC 4458 নম্বৰৰ কয়লা ভৰ্তি ট্ৰাক কেইখন জব্দ কৰে স্থানীয় ৰাইজে ৷ উমৰাংচুৰ পৰা লংকাৰ মাজেৰে ৰাজ্যৰ বিভিন্ন প্ৰান্তলৈ সঘনাই কয়লা সৰবৰাহ হৈ থকা সন্দৰ্ভত বাৰাম্বাৰ আৰক্ষীক অৱগত কৰা হৈছে যদিও আৰক্ষীৰ ভূমিকাক লৈয়ো ৰাইজে সন্দেহ প্ৰকাশ কৰিছে ৷

হোজাই জিলাৰ ৰাইজে জব্দ কৰিছে কয়লা ভৰ্তি ট্ৰাক

উল্লেখ্য যে, নিশা ৰাইজে জব্দ কৰা ট্ৰাক কেইখনৰ বিৰুদ্ধে আৰক্ষীৰ ভূমিকাকলৈয়ো সন্দেহৰ আঙুলি টোঁৱাইছে স্থানীয় ৰাইজে ৷ কিয়নো ঘটনাস্থলীলৈ যোৱা আৰক্ষীৰ দলটোৰ লগত ৰাইজৰ তৰ্কাতৰ্কি পৰিস্থিতিৰ সৃষ্টি হয় ৷ অৱশ্যে পৰৱৰ্তী সময়ত আৰক্ষীৰ দলটোৱে তদন্ত আৰম্ভ কৰিছে যদিও লংকাৰ মাজেৰে কয়লা ভৰ্তি ট্ৰাক পাৰ হোৱাৰ ঘটনাক লৈ উত্থাপিত হৈছে বহু প্ৰশ্নৰ ।

লগতে পঢ়ক:চামগুৰিৰ কদমগুৰিত বনৰীয়া ম'হৰ আক্ৰমণত নিহত এজন