নিউজ ডেস্ক, 14 জুলাই : বাংগালোৰৰ পৰা অসমত আহি উপস্থিত হোৱা এগৰাকী মহিলাই আত্মহত্যা কৰাক লৈ চাঞ্চল্যৰ সৃষ্টি হৈছে হাইলাকান্দি জিলাত ৷ মহিলাগৰাকীয়ে পুত্ৰ আৰু স্বামীসহ 28 জুনত আহি অসমত উপস্থিত হৈছিল মহিলাগৰাকী ৷
কোৱাৰেন্টাইন হৈ থকা অৱস্থাতে মহিলাগৰাকীয়ে চিপ লৈ আত্মহত্যা কৰে ৷ মহিলাগৰাকীৰ স্বামীয়ে অভিযোগ কৰা অনুসৰি, মহিলাগৰাকীৰ নমুনা পৰীক্ষণৰ পিচত ফলাফলত হোৱা বিলম্বৰ বাবেই এইদৰে আত্মহত্য়া কৰে ৷
নিজৰ গা-ধোৱা গৃহত চিপ লৈ মহিলাগৰাকীয়ে আত্মহত্যা কৰে বুলি জনায় স্থানীয় আৰক্ষীয়ে ৷ মহিলাগৰাকীয়ে এখন স্থানীয় বিদ্যালয়ত কোৱাৰেন্টাইন হৈ থকা অৱস্থাতে এইদৰে আত্মহত্যা কৰে ৷ আৰক্ষীয়ে প্ৰকাশ কৰা অনুসৰি, তেওঁলোকৰ নমুনা পৰীক্ষণৰ বাবে গুৱাহাটী চিকিৎসা মহাবিদ্য়ালয়লৈ প্ৰেৰণ কৰা হৈছিল আৰু পৰীক্ষাৰ ফলাফল আহি পোৱাত যথেষ্ট বিলম্ব হৈছে ৷ ইতিমধ্যে মহিলাগৰাকী পুত্ৰ আৰু স্বামীৰ ফলাফল আহিছে আৰু তেওঁলোকৰ ফলাফল নিগেটিভ বুলি জানিব পৰা গৈছে ৷
আনহাতে মহিলাগৰাকীৰ আত্মহত্যাৰ পিচতে স্থানীয় স্বাস্থ্য বিভাগে এক খৰতকীয়া পৰীক্ষা সম্পন্ন কৰি তাৰ নমুনা শিলচৰ মেডিকেল কলেজলৈ প্ৰেৰণ কৰিছে ৷
লগতে পঢ়কঃভাৰতত 75 হাজাৰ কোটি বিনিয়োগ কৰিব গুগলে