কাছাৰ, 30 মে’: হাইলাকান্দিৰ সন্তোষ কুমাৰ ৰয় অসামৰিক চিকিৎসালয়ৰ ক’ভিড চেণ্টাৰত বৃহস্পতিবাৰে সংঘটিত হৈছে এক চাঞ্চল্যকৰ ঘটনা ৷ চেণ্টাৰটোত চিকিৎসাধীন এটা কাৰাবন্দীয়ে বৃহস্পতিবাৰে পুৱা কেন্দ্ৰটোৰ পৰা পলায়ন কৰে ৷
ক’ভিড কেন্দ্ৰৰ পৰা পলায়ন কাৰাবন্ধীৰ: সন্ধান দিলে পাব পুৰস্কাৰ
জানিব পৰা মতে, বুধবাৰে হাইলাকান্দি জিলা কাৰাগাৰত জিলা স্বাস্থ্য বিভাগৰ ফালৰ পৰা ক’ভিড টেষ্ট কৰা হৈছিল ৷ উক্ত কৰ’ণাৰ পৰীক্ষাত 13জনকৈ কাৰাবন্দীৰ শৰীৰত কৰ’ণা ভাইৰাছৰ অৱস্থিতি ধৰা পৰিছিল ৷ যাৰ পাছতে ক’ভিড আক্ৰান্ত কাৰাবন্দী কেইজনক হাইলাকান্দিৰ সন্তোষ কুমাৰ ৰয় অসামৰিক চিকিৎসালয়ৰ ক’ভিড ৱাৰ্ডত ভৰ্তি কৰোৱা হয় ৷ কিন্তু বৃহস্পতিবাৰে পুৱাই হত্যাৰ গোচৰত কাৰাবাস খাটি থকা ৰাহুল উদ্দিন লস্কৰ নামৰ কাৰাবন্দীটোৱে চিকিৎসালয়ৰ পৰা পলায়ন কৰে ৷