বৰপথাৰৰ ৰাইজে আটক কৰিলে দুটাকৈ গৰু চোৰক

সান্ধ্য আইন চলি থকাৰ সময়তে বৰপথাৰৰ ৰাইজে আটক কৰিলে দুটাকৈ গৰু চোৰক ৷ চোৰ দুটা নাগালেণ্ডৰ ভাণ্ডাৰি থানাৰ অন্তৰ্গত ফুটহিলচ অঞ্চলৰ বুলি বৰপথাৰ আৰক্ষী সূত্ৰই জানিবলৈ দিছে ৷

গোলাঘাট, 19 মে' :ক'ভিডৰ ভয়াবহতাৰ প্ৰতি লক্ষ্য ৰাখি ৰাজ্যৰ চাৰিওফালে সান্ধ্য আইন চলি থকাৰ সময়তে গোলাঘাট জিলাৰ বৰপথাৰত দুটাকৈ নগা গৰু চোৰক আটক কৰা হয় ৷ বৰপথাৰৰ লাংঠাৰ ৰাইজে আটক কৰে গৰু চোৰ দুটাক ৷

স্থানীয় লোকে জানিবলৈ দিয়া অনুসৰি দুখনকৈ চাৰিচকীয়া বাহন লৈ গৰু চোৰ কৰিবলৈ আহিছিল চোৰ কেইটাই ৷ পুৱতি নিশা চোৰ কেইটাৰ উমান পাই লাংঠা ৰাইজৰ মাজত হঠাৎ এক হুলস্থলীয়া পৰিৱেশৰ সৃষ্টি হয় ৷ ইয়াৰ পাচতে ৰাইজে চোৰ দুটাক খেদি খেদি কৰায়ত্ব কৰে ৷

বৰ্তমান বৰপথাৰ আৰক্ষীৰ জিম্মাত আছে ধৃত চোৰ কেইটা ৷ চোৰ দুটা নাগালেণ্ডৰ ভাণ্ডাৰি থানাৰ অন্তৰ্গত ফুটহিলচ অঞ্চলৰ বুলি বৰপথাৰ আৰক্ষীৰ সুত্ৰ জানিবলৈ দিছে ৷ লগতে নগা আৰক্ষীও বৰপথাৰ থানাত উপস্থিত হৈ ঘটনাৰ বুজ লয়। বৰ্তমান এই ঘটনাই বৰপথাৰত তীব্ৰ প্ৰতিক্ৰিয়াৰ সৃষ্টি কৰিছে ৷

লগতে পঢ়ক: অসমলৈও আহিল "ব্লেক ফাংগাছ", প্ৰথমজন ৰোগীৰ মৃত্যু