গোলাঘাটত শোকাৱহ পথ দুৰ্ঘটনাত থিতাতে নিহত দুজন

গোলাঘাটত এক ভয়ংকৰ পথ দুৰ্ঘটনা সংঘটিত হয় ৷ দুৰ্ঘটনাত দুজন লোক নিহত হোৱাৰ লগতে আন এজন লোক গুৰুতৰভাৱে আহত হয় ৷

গোলাঘাট, 16 এপ্ৰিল :গোলাঘাটত পহিলা ব’হাগতে সংঘটিত হয় এটা শোকাৱহ পথ দুৰ্ঘটনা ৷ দুৰ্ঘটনাটোত দুজন লোক নিহত হোৱাৰ লগতে আন এজন লোক গুৰুতৰভাৱে আহত হয় ৷ নিহত লোক দুজনৰ নাম হিৰণ্য গগৈ আৰু জ্যোতিষ্মান গগৈ ৷

ঘটনাৰ বিৱৰণ অনুসৰি AS-05E-9229 নম্বৰৰ এখন মটৰচাইকেল কমাৰগাঁও দিশে গৈ থকাৰ অৱস্থাত নিয়ন্ত্ৰণ হেৰুৱাই দুৰ্ঘটনাত পতিত হয় ৷ নিহত দুজনৰ ঘৰ খুমটাই লেটেকুআলি আৰু গুৰুত্বৰ ভাৱে আহত লাচিত গগৈৰ লামৰ লোকজনৰ ঘৰ খুমটাই কেৰেলাচুকত বুলি জানিবলৈ দিছে স্থানীয় লোকে ৷

লগতে পঢ়ক: পহিলা ব'হাগতে পিতৃ-মাতৃ লাভ কৰিলে ফ্ল’ৰে