গোলাঘাট,15 ছেপ্তেম্বৰ: অৱশেষত গোলাঘাট আৰক্ষীৰ জালত পৰিল ম'ষ্ট ৱাণ্টেড গাড়ী চোৰ অজয় সিং ৷ গোলাঘাট আৰু যোৰহাটত গাড়ী চুৰিৰে দীৰ্ঘদিনে আৰক্ষীৰ নিদ্ৰাহৰণ কৰি আহিছিল অজয় সিং নামৰ চোৰটোৱে ৷ অৱশেষত আৰক্ষীয়ে চোৰটো কৰায়ত্ত পৰাৰ পিছতে পোহৰলৈ আহিছে গাড়ী চুৰিৰ ন ন তথ্য ৷ বিগত ১০ ছেপ্তেম্বৰত গোলাঘাট পাঁচআলিৰ পৰা এখন ৰয়েল এনফিল্ড মটৰ চাইকেল চুৰি কৰি নিছিল চোৰটোৱে ৷ উক্ত চুৰি হোৱা মটৰ চাইকেলখন পাঁচআলিৰ স্কেট্স পাৰ্লাৰ নামৰ ব্যৱসায়িক প্ৰতিষ্ঠানখনৰ এগৰাকী কৰ্মচাৰীৰ আছিল বুলি জানিব পৰা গৈছে ৷ সম্প্ৰতি চোৰটো হৈ পৰিছে ৰঙাঘৰৰ আলহী ৷
আৰক্ষীৰ জালত ম'ষ্ট ৱাণ্টেড গাড়ী চোৰ