খুমটাই, 28 জুলাইঃ খুমটাইৰ শাঁওতলী নতুনমাটিত মঙলবাৰে কৃষক মুক্তি সংগ্ৰাম সমিতিৰ প্ৰতিবাদ ৷ কৃষক নেতা অখিল গগৈক বিনাচৰ্তে মুক্তিৰ দাবীত আৰু জাতিধ্বংসী নাগৰিকত্ব সংশোধনী আইন 2019 বাতিলৰ দাবীত কৃষক মুক্তি সংগ্ৰাম সমিতি আৰু চাহ শ্ৰমিক মুক্তি সংগ্ৰাম সমিতিৰ খুমটাই আঞ্চলিক সমিতিয়ে মানৱ শৃংখল কাৰ্যসূচী ৰূপায়নৰ জৰিয়তে প্ৰতিবাদ সাব্যস্ত কৰে ৷ সংগঠনটোৱে অসম চৰকাৰ গ’ বেক, সৰ্বানন্দ সোণোৱাল হুছিয়াৰ, অখিল গগৈক মুক্তি দিয়ক , কা আমি নামানো আদি শ্ল’গানেৰে পৰিৱেশ উত্তাল কৰি তোলে ৷ উল্লেখ্য যে সংগঠনটোৱে উল্লেখ কৰে যে অখিল গগৈক চৰকাৰে ভয় কৰে বাবেই ভুৱা গোচৰত আজিপৰ্যন্ত কাৰাবন্দী কৰি ৰাখিছে ৷ অতি শীঘ্ৰে যদি কৃষক নেতাগৰাকীক বিনাচৰ্তে মুক্তি নিদিয়ে তেতিয়া অনাগত দিনত সংগঠনকেইটাই সমগ্ৰ ৰাজ্যতে জংগী আন্দোলন গঢ়ি তোলাৰ হুংকাৰ প্ৰদান কৰে ৷
অখিল গগৈৰ মুক্তিৰ দাবীত খুমটাইত মানৱ শৃংখল