গোলাঘাট, 2 জুলাইঃগোলাঘাট সমষ্টিৰ অন্তৰ্গত বৃহত্তৰ কাটকটিয়া অঞ্চলত ধনশিৰি নদীৰ খহনীয়াই কালৰূপ ধাৰণ কৰিছে। ধনশিৰি নদীৰ সোঁতত চপৰা চপৰে খহিছে বিঘাই বিঘাই কৃষি ভূমি। খহনীয়াৰ ফলত মানুহৰ ঘৰ-বাৰী সকলো উটি গৈছে নদীৰ বুকুত। খহনীয়াৰ বাবে বাৰে বাৰে এঠাইৰ পৰা আন এঠাইলৈ স্থানান্তৰ কৰিব লগা হৈছে চেনেহৰ ঘৰখন।
গোলাঘাটত ধনশিৰি নদীৰ কালৰূপ
বিগত কেইবা বছৰ ধৰি খহনীয়াৰ ফলত বিঘা বিঘা ভূমি নদীত জাহ গৈছে যদিও চৰকাৰে লোৱা নাই কোনো ধৰণৰ পদক্ষেপ। সেয়েহে শীঘ্ৰে জলসম্পদ বিভাগৰ আঁচনিৰ অধীনত খহনীয়া ৰোধ কৰিবলৈ চৰকাৰক ব্যৱস্থা গ্ৰহণৰ আহ্বান অঞ্চলবাসীৰ।