সৰুপথাৰ, 8 এপ্ৰিলঃ সৰুপথাৰ জিলা যুৱ কংগ্ৰেছৰ সভাপতি তথা যুৱ নেতা প্ৰাঞ্জল শইকীয়াই আনুষ্ঠানিকভাৱে যোগদান কৰিলে বিজেপি দলত ৷ সৰুপথাৰত অনুষ্ঠিত হোৱা নিৰ্বাচনী সভাত বিজেপি দলত আনুষ্ঠানিকভাৱে যোগদান কৰে প্ৰাঞ্জল শইকীয়াই ৷
সৰুপথাৰৰ ছেৱাগুৰিত অনুষ্ঠিত হোৱা মনিমাধৱ মহন্তৰ নিৰ্বাচনী সভাত বিজেপিৰ বহুসংখ্যক নেতা-কৰ্মীৰ উপস্থিতিত 7 এপ্ৰিল তাৰিখে দলটোত যোগদান কৰে গোলাঘাট জিলা কংগ্ৰেছৰ সভাপতি প্ৰাঞ্জল শইকীয়াই ৷ বিজেপি দলৰ উন্নয়নমূলক চিন্তাধাৰাৰ গতিশীল চৰকাৰ আৰু শক্তিশালী নেতৃত্বৰ প্ৰতি আকৃষ্ট হৈ দলটোত যোগদান কৰাৰ কথা প্ৰকাশ কৰে যুৱ নেতাগৰাকীয়ে ৷ আনহাতে অনাগত দিনত কংগ্ৰেছৰ আৰু অধিক নেতা বিজেপি দলত যোগদান কৰিব বুলি জানিবলৈ দিয়ে প্ৰাঞ্জল শইকীয়াই ৷