গোলাঘাটত বন্যহস্তীৰ উপদ্ৰৱঃ ভাঙি তচনচ কৰিলে কেইবাটাও বাসগৃহ

মলয়াহাৰ আনন্দ উল্লাহৰ মাজতে গোলাঘাট মুৰফুলনী অঞ্চলৰ গেৰুকানীত এটা বৃহৎ বন্যহস্তীৰ জাকৰ পৰা ওলাই অহা এটা হাতীয়ে সম্পূৰ্ণ ৰূপে ভাঙি তচনচ কৰে কেইবাটাও বাসগৃহ ৷

গোলাঘাট, 28 চেপ্তেম্বৰঃ গোলাঘাটত অব্যাহত আছে হাতী মানুহৰ সংঘাত । সম্পূৰ্ণ ৰূপে ভাঙি তচনচ কৰিলে কেইবাটাও বাসগৃহ । মহালয়াৰ আনন্দ উল্লাহৰ মাজতে গোলাঘাট মুৰফুলনী অঞ্চলৰ গেৰুকানীত এটা বৃহৎ বন্যহস্তীৰ জাকৰ পৰা ওলাই অহা এটা হাতীয়ে সম্পূৰ্ণ ৰূপে ভাঙি তচনচ কৰে কেইবাটাও বাসগৃহ । যাৰ বাবে কেইবাটাও পৰিয়ালে আশ্ৰয় ল'বলগীয়া হৈছে মুকলি আকাশৰ তলত ৷ পৰিয়াল কেইটাৰ ঘৰৰ ভিতৰত সোমাই চাউল, ধান খাই তহিলং কৰাৰ লগতে বাচন বৰ্তন, বিচনা , টিভি ভাঙি তহিলং কৰে হাতীটোৱে । ইফালে বহুদিন ধৰি গেৰ মেলা ধাননি পথাৰত সোমাই পথাৰৰ ধান খাই তথা গচকি নষ্ট কৰিছে হাতীটোৱে ৷

ইফালে হাতীটোৰ বিষয়ে বন বিভাগক খবৰ দিয়া পাচতো উপস্থিত ন'হল বন বিভাগৰ কোনো লোক । যাৰ বাবে স্থানীয় ৰাইজে গোটেই নিশা উজাগৰে থাকি খেদিব লগা হৈছে হাতী ।