গোলাঘাটত ড্ৰাগছ আসক্ত চোৰৰ তাণ্ডৱ

দিন দুপৰতে গোলাঘাটত ড্ৰাগছ আসক্ত চোৰৰ তাণ্ডৱ (Drugs addicted thief arrested in Golaghat)৷ অৱশেষত ৰাইজে ধৰি গতালে আৰক্ষীক । চোৰটোৰ পৰা উদ্ধাৰ ড্ৰাগছৰ কন্টেইনাৰ ৷

গোলাঘাট, 11 এপ্ৰিল : গোলাঘাটত দিন দুপৰতে ড্ৰাগছ আসক্ত চোৰৰ তাণ্ডৱ । গোলাঘাটৰ তপন নগৰত ড্ৰাগছ আসক্ত চোৰক ৰাইজে কৰায়ত্ত কৰি চমজালে আৰক্ষীক (Drugs addicted thief arrested in Golaghat)। গোলাঘাটত ড্ৰাগছৰ কৱলত পৰি বহু লোক এনে অনৈতিক কাৰ্যকলাপত জড়িত হৈ পৰাৰ প্ৰায়েই অভিযোগ উত্থাপন হৈছে ৷ সম্প্ৰতি পোহৰলৈ আহিছে তেনেই এক ঘটনা ৷ ড্ৰাগছ সেৱন কৰি চুৰিকাৰ্য সংঘটিত কৰি কৰায়ত্ত হ'ল এজন লোক ৷ লোকজনৰ নাম নাছিৰ হুছেইন বুলি জানিব পৰা গৈছে ।

উল্লেখযোগ্য যে, সোমবাৰে গোলাঘাটৰ তপন নগৰত নাছিৰ হুছেইন নামৰ চোৰটোৱে এঘৰত সোমাই চুৰি কৰি পলায়ন কৰোঁতেই স্থানীয় লোকে খেদি খেদি গোলাঘাট ষ্টেচন ৰোডত লোকজনক কৰায়ত্ত কৰিবলৈ সক্ষম হয় । ইফালে কেমেৰাৰ সন্মূখতে আৰক্ষীয়ে চোৰটোৰ তালাচী চলোৱাত পকেটৰ পৰা উদ্ধাৰ হয় ড্ৰাগছৰ সৰু কন্টেইনাৰ (Drug seized from thief)। লগতে আৰক্ষীয়ে উদ্ধাৰ কৰে চুৰি হোৱা নগদ ধন ৷

লগতে পঢ়ক :এইবাৰ টেম্পুত আহিল ছাগলী চোৰ