ব্যাপক গৰাখহনীয়াই শংকা নমাইছে দেৰগাঁওবাসীলৈ

ভয়াৱহ গৰাখহনীয়াই তীব্ৰ শংকা নমাই আনিছে দেৰগাঁওবাসীলৈ ৷ তাৎক্ষণিকভাৱে ইয়াৰ ব্যৱস্থা নল'লে ব্ৰক্ষ্মপুত্ৰৰ বুকুত জাহ যাব শতাধিক গাঁও ৷

দেৰগাঁও, 14 অক্টোবৰ: চপৰা - চপৰে খহিছে খহিছে ব্ৰহ্মপুত্ৰৰ গৰা । এই ভয়াৱহ খহনীয়াই তীব্ৰ শংকা কঢ়িয়াই আনিছে দেৰগাৱঁৰ শতাধিক গাঁৱলৈ । কাৰণ দিনে দিনে খহনীয়া ইমানেই বৃদ্ধি পাইছে যে শীঘ্ৰেই এই খহনীয়াই মথাউৰিৰ অনিষ্ট কৰাটো নিশ্চিত হৈ পৰিছে । নিমাতিৰ পৰা বংকোৱাল সংযোগী মথাউৰিটো অনিষ্ট হ'লে ব্ৰহ্মপুত্ৰৰ বুকুত জাহ যাব দেৰগাঁৱৰ সমষ্টিৰ শতাধিক গাওঁ । ইতিমধ্যে ব্ৰহ্মপুত্ৰৰ খহনীয়াত জাহ গৈছে দেৰগাওঁ সমষ্টিৰ অৰ্ধশতাধিক গাওঁ । স্থানীয় বিধায়ক ভবেন্দ্ৰ নাথ ভৰালীক অতি সোনকালে খহনীয়া ৰোধৰ ব্যৱস্থা গ্ৰহণ কৰিবলৈ অনুৰোধ জনাইছে ভুক্তভুগী জনতাই ।