গোলাঘাট, ১৯জুন:গোলাঘাটত দৈনিক ইজনৰ পিছত সিজনৰ দেহত ধৰা পৰিছে কভিড-১৯ পজিটিভ । দৈনিক ক'ভিড ১৯ পজিটিভ ৰোগীৰ সংখ্যা বৃদ্ধিৰ তালিকাখনলৈ লক্ষ্য কৰি জিলাখনত ইতিমধ্যে গণ সংক্ৰমণৰো আশংকা কৰা হৈছে । তাৰোপৰি একাংশই হোম কোৱাণ্টাইনৰ নিৰ্দেশনা নমনাৰো অভিযোগ উঠিছে । ফলত গোলাঘাট জিলাখনত এক ভয়ংকৰ পৰিণতিৰ সন্দেহ কৰিছে সচেতন মহলে।
গোলাঘাটত আৰম্ভ হৈছে নেকি ক'ৰণাৰ গণ সংক্ৰমণ !
বেঙ্গালোৰৰ পৰা উভতি আহি হোম কোৱাৰেণ্টাইনত থকা ভনীয়েকৰ সংস্পৰ্শলৈ আহি এইবাৰ ঘৰত থকা বায়েকৰ শৰীৰতো ধৰা পৰিছে কভিড 19 ৰ পজিটিভ ভাইৰাছ। এতিয়া পৰিয়ালৰ আনসকল সদস্যৰ লগতে প্ৰতিবেশীৰ মাজতো ভাইৰাছৰ সংক্ৰমণ আশংকা কৰা হৈছে । ইতিমধ্যে প্ৰশাসনে পৰিয়ালটোক কোৱাৰেণ্টাইন কৰাৰ লগতে সমগ্ৰ অঞ্চলটোকো কণ্টেইনমেণ্ট জ'ন হিচাপে ঘোষণা কৰিছে।