কুশল কোঁৱৰ অসামৰিক চিকিৎসালয়ত বন্ধ জৰুৰীকালীন সেৱা

গোলাঘাটৰ শ্বহীদ কুশল কোঁৱৰ অসামৰিক চিকিৎসালয়ত দিনৰ এক বজাৰ পৰা এই পৰ্যন্ত বিদ্যুৎ কৰ্তন কৰি দিয়াত বন্ধ হৈ পৰে এক্সৰে,আলট্ৰা চাউণ্ড আৰু চিটি স্কেনৰ দৰে জৰুৰীকালীন চিকিৎসা ৷

গোলাঘাট,3আগষ্ট : গোলাঘাট শ্বহীদ কুশল কোঁৱৰ অসামৰিক চিকিৎসালয়ত হাহাকাৰ পৰিস্থিতি ৷ দিনৰ এক বজাৰ পৰা এই পৰ্যন্ত চিকিৎসালয়খনত বিদ্যুৎ কৰ্তন কৰি দিয়াত চিকিৎসালয়ত বন্ধ হৈ পৰে এক্সৰে,আলট্ৰা চাউণ্ড আৰু চিটি স্কেনৰ নিচিনা জৰুৰীকালীন চিকিৎসা ৷ যাৰ বাবে ৰোগীসকলৰ মাজত হাহাকাৰ পৰিস্থিতিৰ সৃষ্টি হয় ৷ ৰোগীসকলে চিকিৎসালয় কৰ্তৃপক্ষক এই সন্দৰ্ভত অভিযোগ দিয়াত বিদ্যুৎ বিভাগৰ বিৰুদ্ধে ধৰ্ণা দিবলৈ কয় ৰোগী আৰু ৰোগীৰ আত্মীয়ক ৷ বহু ঠাইৰ পৰা অহা ৰোগীসকলে দিনৰ পৰা বৰ্তমানলৈ অসহায় হৈ বহি আছে চিকিৎসালয়খনত ৷