সমন্বয়ৰ অন্যন্য নিৰ্দশন শংকৰদেৱ সংঘৰ অধিৱেশনস্থলী

অধিৱেশন স্থলীৰ বাকৰিত আঠু লৈ আল্লাৰ ওচৰত নামাজ পঢ়ি দোৱা ল'লে ইছলাম আৰু হিন্দু ধৰ্মাৱলম্বীৰ লোকসকলে ৷ অধিৱেশনস্থলীৰ অস্থায়ী নামঘৰত অহৰহ উচ্চাৰিত হৈ থকা হৰি নামৰ ধ্বনিৰ সমান্তৰালকৈ মুছলমান লোকসকলে পাঠ কৰিছে নামাজৰ দোৱা ৷

বোকাখাট,3 ফেব্ৰুৱাৰীঃ 89 সংখ্যক শ্ৰীমন্ত শংকৰদেৱ সংঘৰ অধিৱেশনলৈ মাজত মাত্ৰ এটা দিন ৷ হিন্দু মুছলমানৰ সমন্বয়ৰ অন্যন্য নিৰ্দশন অধিৱেশনস্থলীত ৷ অধিৱেশনস্থলীৰ বাকৰিত আঠু লৈ আল্লাৰ ওচৰত নামাজ পঢ়ি দোৱা ল'লে ইছলাম আৰু হিন্দু ধৰ্মাৱলম্বীৰ লোকসকলে ৷ অধিৱেশনস্থলীৰ অস্থায়ী নামঘৰত অহৰহ উচ্চাৰিত হৈ থকা হৰি নামৰ ধ্বনিৰ সমান্তৰালকৈ মুছলমান লোকসকলে পাঠ কৰিছে নামাজৰ দোৱা ৷ মুঠৰ ওপৰত বৃহত্তৰ গোলাঘাটবাসী ৰাইজৰ কামনা সুকলমে সম্পন্ন হওক শংকৰদেৱ সংঘৰ বোকাখাট অধিৱেশন ৷

সমান্তৰালকৈ, অধিৱেশনস্থলীত কটকটীয়া নিৰাপত্তা গঢ়ি তুলিবৰ বাবে সষ্টম গোলাঘাট আৰক্ষী ৷ গোলাঘাট জিলাৰ উপ আৰক্ষী অধীক্ষক পাৰ্থপ্ৰতীম শইকীয়াই জনায় যে, অধিৱেশন স্থলীলৈ কোন কেনেকৈ আহিব, ক’ত ন’ এন্ট্ৰি থাকিব উজনি আৰু নামনিৰ পৰা অহা ভক্ত সকলে কোন দিশেৰে অধিৱেশনস্থলীত প্ৰৱেশ কৰিব সকলোৰে দিশতে নিৰাপত্তাৰ সু-ব্যৱস্থা গঢ়ি তুলিছে গোলাঘাট আৰক্ষীয়ে ৷

আনহাতে, অধিৱেশনৰ বাবে বোকাখাট সমষ্টিৰ বিধায়ক তথা মন্ত্ৰী অতুল বৰাই আগবঢ়ায় ২০ লাখ টকাৰ শাক পাচলি ৷ বোকাখাটৰ কুৰুৱাবাহী চহলাত গোলাঘাট কৃষি বিভাগ আৰু স্থানীয় কৃষকৰ দ্বাৰা কৰা খেতিৰ শাক-পাচলিৰেই ৰাজ্যৰ ভকত বৈষ্ণৱসকলক আদৰাৰ প্ৰস্তুতি চলোৱা হৈছে ৷ লগতে মন্ত্ৰী অতুল বৰাই অধিৱেশন স্থলী পৰিভ্ৰমণ কৰি বুজ লয় বিভিন্ন দিশৰ ৷

লগতে পঢ়ক-বিলাসীপাৰাত ৰাষ্ট্ৰীয় পতাকাক অৱমাননা : এসপ্তাহে উৰি থাকিল তিৰংগা