এফালে কটনত নামভৰ্তি আনফালে চোৰে কৰিলে ঘৰ খালী

শুকুৰবাৰে ছফিউৰ ৰহমানৰ কন্যাৰ নাম ভৰ্তিৰ কামৰ বাবে পৰিয়ালৰ লোক গুৱাহাটীৰ কটন বিশ্ববিদ্যালয়লৈ যোৱাত , ঘৰত কোনো নথকাৰ সুযোগ লৈ চোৰে এই চুৰিকাণ্ড সংঘটিত কৰে ।

গোৱালপাৰা , ১৫ জুন :নগৰবেৰাৰ জামলাইত শুকুৰবাৰে এক চুৰিকাণ্ড সংঘটিত হয় । ছফিউৰ ৰহমান নামৰ লোক এজনৰ ঘৰত সংঘটিত হয় এই চুৰিকাণ্ড ।

শুকুৰবাৰে ছফিউৰ ৰহমানৰ কন্যাৰ নাম ভৰ্তিৰ কামৰ বাবে পৰিয়ালৰ লোক গুৱাহাটীৰ কটন বিশ্ববিদ্যালয়লৈ যোৱাত ঘৰত কোনো নথকাৰ সুযোগ লৈ চোৰে এই চুৰিকাণ্ড সংঘটিত কৰে । নিশা ঘৰলৈ উভতি অহাৰ পাচত পৰিয়ালৰ লোকে ঘটনাৰ উমান পায় । ঘৰখনৰ মূল গেটৰ তলা ভাঙি চোৰে ঘৰৰ ভিতৰত প্ৰৱেশ কৰি ঘৰৰ প্ৰায় সকলো বয়বস্তু লুট কৰি নিয়ে । নগদ ৩ লাখ টকা আৰু প্ৰায় ৭ লাখ টকাৰ আ অলংকাৰৰ উপৰিও বহু মূল্যৱান সামগ্ৰী চোৰে লুট কৰি নিয়ে বুলি জনাই পৰিয়ালৰ লোকে । ইপিনে ঘটনা সন্দৰ্ভত নগৰবেৰা আৰক্ষীক খৱৰ দিয়াত ঘটনাস্থলীত আৰক্ষী উপস্থিত হৈ ঘটনাৰ বুজ লৈ প্ৰাথমিক তদন্ত আৰম্ভ কৰে যদিও আৰক্ষীয়ে কোনো লোকক আটক কৰিবলৈ সক্ষম হোৱা নাই ।