গণৰাজ্য দিৱসঃ গোৱালপাৰাত পতাকা উত্তোলন কৰিলে মন্ত্ৰী ফণীভূষণ চৌধুৰীয়ে

গোৱালপাৰাত ৭২ সংখ্যক গণৰাজ্য দিৱস উদযাপন । গোৱালপাৰা চহৰৰ জেটিএছ খেলপথাৰত গণৰাজ্য দিৱস উপলক্ষে জিলা প্ৰশাসনৰ উদ্যোগত অনুষ্ঠানৰ আয়োজন ।

গোৱালপাৰা,২৬ জানুৱাৰী: ৰাজ্যৰ ভিন্ন প্ৰান্তৰ সমান্তৰালকৈ গোৱালপাৰাতো গণৰাজ্য দিৱস পালন কৰা হৈছে । জিলা প্ৰশাসনৰ উদ্যোগত গোৱালপাৰা চহৰৰ জেটিএছ খেলপথাৰত অনুষ্ঠিত কৰা হৈছে ৭২ সংখ্যক গণৰাজ্য দিৱসৰ অনুষ্ঠান । আজিৰ অনুষ্ঠানত ৰাষ্ট্ৰীয় পতাকা উত্তোলন কৰে খাদ্য আৰু যোগান বিভাগৰ মন্ত্ৰী ফণীভূষণ চৌধুৰীয়ে ।

পতাকা উত্তোলন কাৰ্যসূচীৰ পিছতে আৰক্ষী,সামৰিক বাহিনীৰ উপৰিও ছাত্ৰ-ছাত্ৰীসকলে অভিবাদন জনায় । মহামাৰীৰ সংক্ৰমণ অব্যাহত থকাৰ বাবে এইবাৰ স্বাস্থ্যবিধি মানি সাৱধনতা অৱলম্বন কৰিহে গণৰাজ্য দিৱস পালন কৰা হৈছে ।

লগতে পঢ়ক:কমলপুৰত ৭২ সংখ্যক গণৰাজ্য দিৱস উদযাপন