গোৱালপাৰা, 23 মাৰ্চঃ গোৱালপাৰা অসামৰিক চিকিৎসালয়ত চিকিৎসালয় কৰ্তৃপক্ষই বিশেষ সতৰ্কতা মূলক ব্যৱস্থা গ্ৰহণ কৰা পৰিলক্ষিত হৈছে । ইতিমধ্যে চিকিৎসালয়খনৰ প্ৰৱেশ দ্বাৰত চিকিৎসা কৰ্মীয়ে তীক্ষ্ম দৃষ্টি ৰাখিছে । প্ৰতিজন ৰোগীক কৰ'ণা ভাইৰাছ পৰীক্ষা কৰাৰ লগতে এজন ৰোগীৰ লগত এজন অভিভাৱকক প্ৰৱেশ কৰিব দিছে আৰু চিকিৎসালয় চৌহদত যাতে ৰোগীৰ বাহিৰে বাহিৰা লোক ভিৰ নকৰে তাৰ প্ৰতিও দৃষ্টি ৰাখিছে । ১০ বছৰৰ তলৰ আৰু ৬০ বছৰৰ ওপৰৰ লোকক চিকিৎসালয়ত প্ৰৱেশ নিষিদ্ধ কৰা হৈছে । মহামাৰী কৰ'ণা ভাইৰাছৰ পৰা পৰিত্ৰাণ পাবলৈ ৰাইজক সজাগ হ'বলৈ আহ্বান ডক্টৰ মণিকুন্তলা ভূঞাৰ । অযথা বাহিৰত থকাতকৈ নিজকে ঘৰৰ ভিতৰতে আবদ্ধ কৰি ৰাখক,এয়াই একমাত্ৰ উপায় । নহলে এই মহামাৰী কৰ'ণাৰ পৰা কোনেও ৰক্ষা নাপায় । সংকট জনক ৰোগীৰ বাহিৰে সৰু সৰু ৰোগ থকা ব্যক্তিক ঘৰতে থকাৰ নিৰ্দেশ চিকিৎসালয় কৰ্তৃপক্ষৰ ।
গোৱালপাৰাত চিকিৎসালয় কৰ্তৃপক্ষৰ সতৰ্কতামূলক ব্যৱস্থা গ্ৰহণ