গোৱালপাৰাত বিধ্বস্ত দলঙৰে বিপদ সংকুল যাত্ৰা

উন্নয়নত তিল মানো গুৰুত্ব নাই গোৱালপাৰা জিলা গড়কাপ্টানী বিভাগৰ । সমষ্টি উন্নয়নত সদিচ্ছাৰ অভাৱ স্থানীয় জনপ্ৰতিনিধিৰ । ফলত ভঙা দলঙৰেই বিপদ সংকুৰ যাতায়াত কৰিব লগীয়া হৈছে অঞ্চলবাসীয়ে । ফলত ক্ষুব্ধ হৈ পৰিছে স্থানীয় ৰাইজৰ লগতে বিভিন্ন দল সংগঠন । অতি শীঘ্ৰে দলং দুখন পকীকৰণ কৰিবলৈ আহ্বান জনাইছে জনপ্ৰতিনিধিৰ লগতে গড়কাপ্তানি বিভাগক ।

গোৱালপাৰা, ১২ জুনঃ গোৱালপাৰা মঘো ঠাকুৰবিলা পথত আজিও ভঙা কাঠৰ দলঙৰে বিপদ সংকুল যাতায়াত ৰাইজৰ । বছৰ-বছৰ ধৰি বিধ্বস্ত অৱস্থাত আছে দুখন কাঠৰ দলং ।

পশ্চিম গোৱালপাৰাৰ মালাধৰাৰে মঘো হৈ চহৰলৈ যোৱা পথ । পথটোত আছে দুখনকৈ বিধ্বস্ত কাঠৰ দলং। বাৰে বাৰে ৰাইজে স্থানীয় বিধায়ক আৰু গড়কাপ্তানী বিভাগক জনাই অহাৰ পিছতো আজি লৈকে ন'হল পকী দলং। উপায়ন্তৰ হৈ স্থানীয় ৰাইজে নিজেই জখি খহি যোৱা কাঠৰ দলঙৰ ওপৰতেই বাহৰ বেৰ দি অব্যাহত ৰাখিছে যাতায়াত ।

উন্নয়নত তিল মানো গুৰুত্ব নাই গোৱালপাৰা জিলা গড়কাপ্টানী বিভাগৰ লগতে জন প্ৰতিনিধিৰ । ফলত ক্ষুব্ধ হৈ পৰিছে সমগ্ৰ গোৱালপাৰাৰ স্থানীয় ৰাইজৰ লগতে বিভিন্ন দল সংগঠন । অতি শীঘ্ৰে পৰিবৰ্তন কামী চৰকাৰ খনক উক্ত পথটোত থকা দলং দুখন পকীকৰণ কৰি যাতায়াতৰ বাবে সু-ব্যৱস্থা কৰি দিবলৈ আহ্বান জনাইছে ৰাইজে ।

লগতে আন এটা বাতৰি- যোৰহাটত পুৱতি নিশা ভয়ানক দুৰ্ঘটনা