চিকিৎসকক প্ৰহাৰ কৰি ৰঙা ঘৰৰ আলহী ছয় যুৱক

এগৰাকী ৰোগীৰ মৃত্য়ুক কেন্দ্ৰ কৰিয়েই যুৱক কেইগৰাকীয়ে চিকিৎসকক আক্ৰমণ কৰাৰ লগতে উমৰাংচু চিকিৎসালয়ৰ আচবাব ভাঙি সৃষ্টি কৰিছিল উত্তপ্ত পৰিস্থিতিৰ । সোমবাৰে পুৱা উমৰাংচু বজাৰৰ পৰা আৰক্ষীয়ে আটক কৰে লোক কেইজনক ।

ডিমা হাছাও, ২০ মে': শনিবাৰে উমৰাংচু হাস্পতালত সৃষ্টি হোৱা উত্তপ্ত পৰিস্থিতিৰ সন্দৰ্ভত ছয়জনক গ্ৰেপ্তাৰ উমৰাংচু আৰক্ষীৰ । ৰাজু পাল নামৰ এজন লোকৰ মৃত্যুৰ হোৱাক কেন্দ্ৰ কৰি সৃষ্টি হৈছিল এই অপ্ৰীতিকৰ পৰিস্থিতিৰ । যুৱক জনৰ মৃত্যু চিকিৎসালয়খনৰ জ্যেষ্ঠ চিকিৎসক এন কে বাইলুংৰ গাফিলতিৰ বাবে হোৱা বুলি অভিযোগ তুলি কেইগৰাকীমান লোকে চিকিৎসকগৰাকীৰ ওপৰত আক্ৰমণ কৰাৰ লগতে চিকিৎসালয়খনৰ আচবাব সামগ্ৰী ভাঙি তহিলং কৰে ।

চিকিৎসকক আক্ৰমণ কৰা আৰু চৰকাৰী সম্পত্তি বিনষ্ট কৰাৰ অভিযোগত সোমবাৰে পুৱা উমৰাংচু বজাৰৰ পৰা উমৰাংচু আৰক্ষীয়ে ছয় জনক গ্ৰেপ্তাৰ কৰে । গ্ৰেপ্তাৰ হোৱা লোককেইজন ক্ৰমে, দেবাসীস পাল, মিঠু শিল, সুমিত শিল, শুভ পাল আৰু মিন্টু বনিক । আৰক্ষীয়ে গ্ৰেপ্তাৰ কৰি লোককেইজনক সোমবাৰে আদালতত হাজিৰ কৰোৱাৰ পাচতে আদালতে লোককেইজনক জেল হাজোতলৈ প্ৰেৰণ কৰিছে ।