চোৰাং কাঠ ভৰ্তি ট্ৰেক্টৰ জব্দ

ডিমা হাছাও জিলাৰ উমৰাংচো পাণিমুৰৰ জংঘলৰ পৰা চাৰি লাখ টকাৰ চোৰাং কাঠ জব্দ কৰে বনবিভাগে ৷ দুখন কাঠ ভৰ্তি ট্ৰেক্টৰ জব্দ

ডিমা হাছাও, 30 আগষ্টঃ ডিমা হাছাও জিলাৰ উমৰাংচো পাণিমুৰৰ জংঘলৰ পৰা চাৰি লাখ টকাৰ চোৰাং কাঠ জব্দ কৰে বনবিভাগে ৷ শুকুৰবাৰে পুৱতি নিশা পাণিমুৰ ৰেঞ্জৰ ৰেঞ্জাৰ জনঞ্জয় হাফলংবাৰে অভিযান চলাই দুখন কাঠ ভৰ্তি ট্ৰেক্টৰ জব্দ কৰিবলৈ সক্ষম হয় ৷ আৰক্ষী সূত্ৰে জানিবলৈ দিয়া মতে,কোনো অবৈধ ব্যৱসায়ীয়ে গছ কাটি জিলাখনৰ পৰা বাহিৰলৈ সৰবৰাহ কৰিবলৈ প্ৰস্তুতি চলাই আছিল ৷ কিন্তু আন্ধাৰৰ সুযোগ গ্ৰহণ কৰি দুস্কৃতিকাৰী পলাই যাবলৈ সক্ষম হয় ৷