ডিমা হাছাও, 28 এপ্ৰিল :ডিমা-হাছাও জিলাত ভয়ংকৰ হাৰত বৃদ্ধি পাইছে ক'ভিড সংক্ৰমণ । বুধবাৰে ডিমা হাছাও জিলাত নতুনকৈ 13 গৰাকী দেহত ক'ভিডৰ উপস্থিতি পোৱা যায় । ইয়াৰ লগে লগে জিলাখনত ক'ভিডত আক্ৰান্ত ৰোগীৰ সংখ্যা 97 গৰাকী লৈ বৃদ্ধি হয় ।
ইফালে, হাফলং ড'নবস্ক উচ্চ মাধ্যমিক বিদ্যালয়ৰ এগৰাকী ছাত্ৰ দেহত ক'ভিডৰ উপস্থিতি পোৱাৰ পাচতে বিদ্যালয় খনত জিলা প্ৰশাসনৰ ফালৰ পৰা চেনিটাইজৰ ব্যৱস্থা কৰা হয় ৷ তদুপৰি ষ্টেট বেংক হাফলং শাখাৰ চাৰি গৰাকী কৰ্মচাৰী দেহত ক'ভিডৰ উপস্থিতি পোৱা পাচতে হাফলং শাখাটোত চেনিটাইজ কৰাৰ লগতে শাখাটোৰ সকলো কৰ্মচাৰীকে ক'ভিড পৰীক্ষা কৰা হয় বুলি জানিব পৰা গৈছে ৷