বহিঃৰাজ্যত আবদ্ধ সকললৈ হেল্প লাইন নম্বৰ মুকলি যুৱ কংগ্ৰেছৰ

বহিঃৰাজ্যত থকা সকললৈ অসম প্ৰদেশ যুৱ কংগ্ৰেছৰ বিশেষ পদক্ষেপ ৷ তিনিটাকৈ হেল্প-লাইন নম্বৰ মুকলি কৰে সংগঠনটোৱে ৷ লগতে শাসনাধীস্থ বিজেপি চৰকাৰ শলাগ লয় সংগঠনটোৱে ৷

ডিব্ৰুগড়, 29 মাৰ্চঃ অসম প্ৰদেশ যুৱ কংগ্ৰেছৰ বিশেষ পদক্ষেপ ৷ কংগ্ৰেছৰ যুৱ সংগঠনটোৰ দ্বাৰা তিনিটাকৈ হেল্প-লাইন নম্বৰ মুকলি কৰে । লক ডাউনৰ সময়ত যিসকল অসমীয়া বহিঃৰাজ্যত বিভিন্ন কৰ্মসূত্ৰে গৈ আবদ্ধ হৈ আছে তেওঁলোকক পাৰ্যমানে সহায় সহযোগিতা আগবঢ়াবলৈ এই পদক্ষেপ গ্ৰহণ কৰিছে অসম প্ৰদেশ যুৱ কংগ্ৰেছে । নম্বৰ কেইটা ক্ৰমে, 70024-74913, 86380-55011 আৰু 97069-14230 ।

আনহাতে, কংগ্ৰেছ তথা যুৱ কংগ্ৰেছ ৰাইজৰ যিকোনো বিপদৰ সময়ত সদায় ৰাজনীতিৰ উৰ্ধত বুলি উল্লেখ কৰে যুৱ কংগ্ৰেছৰ কেন্দ্ৰীয় বিষয়ৱবীয়াই । লগতে অসম চৰকাৰেও এই ভয়াবহ কৰ'ণাৰ দুৰ্যোগৰ পৰিস্থিতি চম্ভালি ল'বলৈ আৰু ৰাইজক সৰ্বতোপ্ৰকাৰে সহায় সহযোগিতা কৰাৰ ক্ষেত্ৰত যথেষ্টখিনি কাম কৰি আছে বুলি শাসনাধীস্থ চৰকাৰ শলাগ লয় যুৱ কংগ্ৰেছে ।

আনহাতে, অসম প্ৰদেশ যুৱ কংগ্ৰেছৰ সাধাৰণ সম্পাদক অভিজিত বৰাই চৰকাৰলৈ আহ্বান কৰে যে, শীঘ্ৰে বহিঃৰাজ্যত আৱদ্ধ প্ৰতিজন অসমীয়াৰ প্ৰতি দায়বদ্ধতা দেখুৱাই চৰকাৰে এটা হেল্প-লাইন নম্বৰ মুকলি কৰাৰ লগতে ইয়াৰ বাবে এজন নডেল বিষয়া নিয়োগ কৰাৰ ব্যৱস্থা কৰে যেন ।

আৰু পঢ়কঃ মুখ্যমন্ত্ৰীৰ সাহায্য পুঁজিলৈ ৫০ লাখ টকাৰ অনুদান ৰূপজ্যোতি কুৰ্মীৰ