সোণাৰিত আৰক্ষীৰ বিৰুদ্ধে গুণ্ডাগিৰিৰ অভিযোগ

জনহিত জনসেৱাৰ্থে নিয়োজিত অসম আৰক্ষীৰ বিৰুদ্ধে উত্থাপিত হৈছে গুণ্ডাগিৰিৰ অভিযোগ ৷ চৰাইদেউৰ 25 নং এপিবিএন(APBN)ৰ জোৱানৰ বিৰুদ্ধে উত্থাপিত হৈছে এই অভিযোগ ৷

মৰাণ,20 ছেপ্তম্বৰ: অপৰাধীৰ বিৰুদ্ধে ৰাজ্যৰ আৰক্ষী প্ৰশাসন কঠোৰ হোৱা সময়তে চৰাইদেউত আৰক্ষীৰ বিৰুদ্ধে উত্থাপিত হৈছে গুণ্ডাগিৰি চলোৱাৰ অভিযোগ ৷ চৰাইদেউৰ 25 নং এপিবিএন(APBN)ৰ জোৱানৰ বিৰুদ্ধে উত্থাপিত হৈছে এই অভিযোগ ৷ অভিযোগ অনুসৰি 18 আগষ্টৰ নিশা কৰম পূজা চাই ঘৰলৈ উভতি অহাৰ সময়তে এপিবিএনৰ জোৱানে বাটত ৰখাই প্ৰহাৰ কৰিলে এজন যুৱকক ৷

প্ৰাপ্ত খবৰ মতে, দুজন যুৱকৰ লগত অহা পংকজ মাহান্তি নামৰ যুৱকজনক বাটত ৰখাই বাইকৰ নথি-পত্ৰ বিচাৰি হাৰাশাস্তি কৰে এপিবিএনৰ জোৱানে ৷ ভুক্তভোগী যুৱকজনে জানিবলৈ দিয়া অনুসৰি AS04BC3515 নম্বৰৰ এখন বাহনত আহি থকা সময়তে 25 নং এপিবিএনৰ জোৱানে বাটত ৰখাই নথি-পত্ৰ বিচৰাৰ লগতে যুৱকজনক প্ৰহাৰ কৰে ৷

আনহাতে অস্ত্ৰধাৰী আৰক্ষীৰ লোককেইজনে পংকজ মাহান্তিৰ পকেটৰ পৰা 5,000 টকা কাঢ়ি নিয়াৰ লগতে যুৱক জনৰ লগত থকা আনজন যুৱককো কাণত ধৰি আঠু কঢ়াই ৰাখে ৷

সমগ্ৰ ঘটনা সন্দৰ্ভত চফ্ৰাই আৰক্ষী থানাত এজাহাৰ দাখিল কৰিছে ভুক্তভোগীয়ে ৷ আৰক্ষীৰ তদন্ততহে পোহৰলৈ আহিব প্ৰকৃততে কি সংঘটিত হৈছিল ঘটনাৰ নিশা ৷ কিন্তু আৰক্ষী জোৱানৰ বিৰুদ্ধে উঠা এই অভিযোগৰ বিৰুদ্ধে আৰক্ষীৰ তদন্ত প্রক্রিয়া কেনে দিশত আগবাঢ়ে, সেয়া হ’ব লক্ষণীয় ৷

লগতে পঢ়কঃচাৰিদুৱাৰত এনকাউন্টাৰ: ভৰিত গুলী লাগি গুৰুতৰভাৱে আহত ড্ৰাগছ সৰবৰাহকাৰী