মৰাণ,24 ফেব্ৰুৱাৰী:সমাগত অসম বিধানসভা নিৰ্বাচনত 120 নং নাহৰকটীয়া সমষ্টিক নিজৰ দখললৈ অনাৰ উদ্দেশ্যে মঙলবাৰে নাহৰকটীয়াত অসম জাতীয় পৰিষদৰ কাৰ্য নিৰ্বাহক সমিতিখন গঠন কৰা হয় ৷ মূলতঃ সুস্থ জাতীয়তাবাদী চিন্তাধাৰাৰে সমষ্টিটোত অসম জাতীয় পৰিষদক জয়ী কৰোৱাৰ উদ্দেশ্যে এই সমিতি গঠন কৰা হৈছে বুলি কৰ্মকৰ্তাসকলে জানিবলৈ দিয়ে ৷
দলটোৰ কেন্দ্ৰীয় সাংগঠনিক সম্পাদক চন্দন সন্দিকৈ, কেন্দ্ৰীয় কাৰ্য নিৰ্বাহক সদস্য ক্ৰমে অনুপ ফুকন, ৰঞ্জন ধাদুমীয়া, জাতীয় মহিলা শক্তিৰ কেন্দ্ৰীয় উপদেষ্টা কল্যাণী শৰ্মা পৰ্যবেক্ষক হিচাপে থকা সভাখনত ৰঞ্জিত নিৰ্মলীয়াক সভাপতি, লক্ষী গগৈ, কেশৱ হাজৰিকা, বিকাশ বৰুৱা, প্ৰফুল্ল নিৰ্মলীয়া আৰু মুক্তাৰ কাদিৰক উপ-সভাপতি আৰু বিদ্যুৎ বিকাশ গগৈক সম্পাদক হিচাপে লৈ মুঠ 51 জনীয়া পূৰ্ণাংগ নাহৰকটীয়া সমষ্টি কাৰ্য নিৰ্বাহক সমিতি গঠন কৰা হয় ৷