মৰাণ, 19 জুলাই: কৃত্ৰিম বানৰ পিছতেই এইবাৰ ডিব্ৰুগড়ত ব্ৰহ্মপুত্ৰ নদীৰ ভয়াবহ গৰাখহনীয়া (Brahmaputra erosion in Dibrugarh)। ঐতিহাসিক চহৰখনৰ প্ৰতি সৃষ্টি হৈছে তীব্ৰ ভাবুকিৰ । চহৰখনৰ নিচেই কাষতে থকা মাইজান-নতুন গাঁৱত আৰম্ভ হৈছে এই গৰাখহনীয়া ।
ডিব্ৰুগড়ত খহনীয়াৰ কালৰূপ: অসম চিকিৎসা মহাবিদ্যালয়লৈ অশনি সংকেত
গৰাখহনীয়াই ইতিমধ্যে 8/4 আৰু 7/4 মথাউৰিৰ প্ৰায় 40 মিটাৰ প্ৰৱল সোঁতে উটুৱাই লৈ যায় । ইয়াৰোপৰি খহনীয়াৰ ফলত মথাউৰিটোৰ আন ডেৰশ মিটাৰ অংশ বিগত চাৰিদিনত নদীৰ বুকুত জাহ যোৱা বুলি স্থানীয় ৰাইজে জানিবলৈ দিছে । ঐতিহাসিক অসম চিকিৎসা মহাবিদ্যালয়ৰ(Assam Medical College) পৰা প্ৰায় দুই কিলোমিটাৰ আঁতৰত নদীৰ এই ভয়াবহ খহনীয়াই চিকিৎসা মহাবিদ্যালয়খনৰ প্ৰতিও ভাবুকিৰ সৃষ্টি কৰিছে ।