দলীয় প্ৰাৰ্থীৰ মনোনয়ন দাখিলৰ পাচতেই বৈঠকত মিলিত মুখ্যমন্ত্ৰী সোণোৱাল

সোমবাৰে ডিব্ৰুগড়ত বিজেপিৰ অধিকাংশ প্ৰাৰ্থীয়ে মনোনয়ন পত্ৰ দাখিল কৰাৰ পাচতেই তাৎক্ষণিক বৈঠকত মিলিত হয় মুখ্যমন্ত্ৰী সৰ্বানন্দ সোণোৱাল ৷ কেইবাগৰাকীও বিধায়ক আৰু দলীয় নেতা-কৰ্মীৰ সৈতে আগন্তুক নিৰ্বাচনৰ ৰণকৌশল সন্দৰ্ভত আলোচনাত মিলিত হয় মুখ্য়মন্ত্ৰী গৰাকী ৷

ডিব্ৰুগড়,8 মাৰ্চ : ডিব্ৰুগড় জিলাত বিজেপিৰ অধিকাংশ প্ৰাৰ্থীয়ে মনোনয়ন পত্ৰ দাখিল কৰাৰ পাচতেই সোমবাৰে কেইবাগৰাকীও বিধায়ক আৰু দলীয় নেতা-কৰ্মীৰ সৈতে গুৰুত্বপূৰ্ণ তথা তাৎক্ষণিক বৈঠকত মিলিত হয় মুখ্যমন্ত্ৰী সৰ্বানন্দ সোণোৱাল ৷ ডিব্ৰুগড় চহৰৰ হোটেল টি কাউন্ত্ৰীত অনুষ্ঠিত হোৱা এই বৈঠকত আগন্তুক নিৰ্বাচনৰ ৰণকৌশল সম্পৰ্কে আলোচনা কৰা বুলি বিধায়ক প্ৰশান্ত ফুকনে মন্তব্য আগবঢ়ায় ৷

উল্লেখ্য যে, ডিব্ৰুগড়ৰ উপায়ুক্ত কাৰ্যালয়ত মৰাণৰ বিধায়ক চক্ৰধৰ গগৈ, ডিব্ৰুগড়ৰ বিধায়ক প্ৰশান্ত ফুকন, লাহোৱালৰ বিধায়ক বিনোদ হাজৰিকা, টিংখাঙৰ বিধায়ক বিমল বৰা আৰু দুলীয়াজানৰ বিধায়ক তেৰছ গোৱালাই মনোনয়ন পত্ৰ দাখিল কৰে ৷

লগতে পঢ়ক :গহপুৰত মনোনয়ন পত্ৰ দাখিল কৰিলে ৰিপুণ বৰাই