ডিব্ৰুগড়,20 জানুৱাৰী: ৰাজ্য চৰকাৰে কেৱল কথাহে কয় কিন্তু মটক জনগোষ্ঠীৰ জনজাতিকৰণৰ ক্ষেত্ৰত আজিকোপতি কোনো ব্যৱস্থা গ্ৰহণ কৰা নাই ৷ এই অভিযোগ সদৌ অসম মটক যুৱ ছাত্ৰ সন্মিলনৰ ৷ বুধবাৰে এক সংবাদমেল সম্বোধন কৰি শাসকীয় চৰকাৰৰ বিৰুদ্ধে সৰৱ হৈ পৰে সংগঠনটোৰ নেতৃবৃন্দ ৷ মটক জনগোষ্ঠীক জনজাতিকৰণ, স্বায়ত্ব শাসন প্ৰদান কৰাৰ দিশত আজি চৰকাৰে যি প্ৰতিশ্ৰুতি প্ৰদান কৰি আহিছে সেইয়া কেৱল ফুটুকাৰ ফেনত পৰিণত হৈছে ৷ গতিকে আগন্তুক বিধানসভা নিৰ্বাচনৰ পূৰ্বে চৰকাৰে মটক জনগোষ্ঠীৰ জনজাতিকৰণৰ ব্যৱস্থা নকৰিলে ইয়াৰ উচিত প্ৰত্যুত্তৰ লাভ কৰিব বুলি হুংকাৰ প্ৰদান কৰে সংগঠনটোৱে ৷
ডিব্ৰুগড়ত সদৌ অসম মটক যুৱ ছাত্ৰ সন্মিলনৰ সংবাদ মেল