সাংবাদিক নিগ্ৰহঃ ধুবুৰীত জিলা যুৱ কংগ্ৰেছৰ সংবাদমেল

ধুবুৰীৰ সাংবাদিক ৰাজীৱ শৰ্মাক আৰক্ষীয়ে গ্ৰেপ্তাৰ কৰাৰ পিচতে সোমবাৰে ধুবুৰীত জিলা যুৱ কংগ্ৰেছে তৰফৰ পৰা সংবাদমেলৰ আয়োজন কৰা হয় । ৰাজীৱ ভৱনত আয়োজন কৰা সংবাদ মেলখনত ধুবুৰী আৰু দক্ষিণ শালমাৰা জিলাত চলি থকা গৰু ছিণ্ডিকেট সন্দৰ্ভত বিভিন্ন মন্তব্য প্ৰদান কৰাৰ লগতে অনতিপলমে এই সমূহ ছিণ্ডিকেট বন্ধ কৰাৰ দাবী উখাপন কৰে ৷ লগতে,ছিণ্ডিকেট বন্ধৰ শ্ল'গান লৈ দিছপুৰ দখল কৰা বিজেপি চৰকাৰ খনক তুলাধুনা দিয়ে ধুবুৰী জিলা কংগ্ৰেছে ৷

ধুবুৰী,20 জুলাই : ধুবুৰীৰ সাংবাদিক ৰাজীৱ শৰ্মাক আৰক্ষীয়ে গ্ৰেপ্তাৰ কৰাৰ পিচতে সোমবাৰে ধুবুৰীত জিলা যুৱ কংগ্ৰেছে তৰফৰ পৰা সংবাদমেলৰ আয়োজন কৰা হয় । সাংবাদিক নিগ্ৰহৰ ঘটনা আৰু চলি থকা ছিণ্ডিকেটক লৈ আয়োজন কৰা সংবাদমেলত চৰকাৰ তথা প্ৰশাসন যন্ত্ৰৰ বিৰুদ্ধে সৰৱ হৈ পৰে জিলা যুৱ কংগ্ৰেছে ।

ৰাজীৱ ভৱনত আয়োজন কৰা সংবাদ মেলখনত ধুবুৰী আৰু দক্ষিণ শালমাৰা জিলাত চলি থকা গৰু ছিণ্ডিকেট সন্দৰ্ভত বিভিন্ন মন্তব্য প্ৰদান কৰাৰ লগতে অনতিপলমে এই সমূহ ছিণ্ডিকেট বন্ধ কৰাৰ দাবী উখাপন কৰে ৷ লগতে,ছিণ্ডিকেট বন্ধৰ শ্ল'গান লৈ দিছপুৰ দখল কৰা বিজেপি চৰকাৰ খনক তুলাধুনা দিয়ে ধুবুৰী জিলা কংগ্ৰেছে ৷

আনহাতে,ধুবুৰীৰ সাংবাদিক ৰাজীৱ শৰ্মাক গ্ৰেপ্তাৰ প্ৰসংগত মন্তব্য প্ৰদান কৰি সংবাদমেলত কয় যে,উক্ত ঘটনা সন্দৰ্ভত কেৱল জিলা আৰক্ষী অধীক্ষক আৰু বন বিষয়াক বদলি কৰিলেই নহ'ব । চাকৰিৰ পৰা নিলম্বন কৰি শাস্তি বিহাৰ উপৰিও উক্ত ঘটনা সন্দৰ্ভত CBIৰ তদন্তৰ দাবী উখাপন কৰিছে জিলা যুৱ কংগ্ৰেছে । লগতে,সাংবাদিক ৰাজীৱ শৰ্মাৰ পৰিয়ালক উপযুক্ত ক্ষতিপূৰণ দিয়াৰ দাবী জনাইছে ৷

ইফালে,বৰ্তমানেও ধুবুৰী জিলা আৰু দক্ষিণ শালমাৰা মানকাচাৰ জিলাত গৰু ছিণ্ডিকেট চলি থকা বুলি জিলা কংগ্ৰেছে সংবাদমেলত অভিযোগ উত্থাপন কৰে ৷

লগতে পঢ়ক : সাংবাদিক ৰাজীৱ শৰ্মাঃ বিলাসীপাৰাত উত্তাল প্ৰতিবাদ