ধুবুৰী দখলৰ বাবে যুঁজিব তৃণমূল কংগ্ৰেছে

চাৰি নং ধুবুৰী লোকসভা সমষ্টিত তৃণমূল কংগ্ৰেছৰ প্ৰাৰ্থিত্ব প্ৰদান কৰিছে জ্যেষ্ঠ অধিবক্তা এন আই চৌধুৰীক ৷

ধুবুৰী, ২১ মাৰ্চ :লোকসভা নিৰ্বাচন ক্ৰমাৎ ওচৰ চাপি অহাৰ লগে লগে বিভিন্ন ৰাজনৈতিক দলে আৰম্ভ কৰিছে তৎপৰতা । চাৰি নং ধুবুৰী লোকসভা সমষ্টিত তৃণমূল কংগ্ৰেছৰ প্ৰাৰ্থিত্ব লাভ কৰিছেজ্যেষ্ঠ অধিবক্তা এন আই চৌধুৰীয়ে ।

তৃণমূল কংগ্ৰেছৰ প্ৰাৰ্থী এন আই চৌধুৰী অৰ্থাৎ নুৰল ইছলাম চৌধুৰীয়ে ইতিমধ্যে সমষ্টিত প্ৰচাৰ আৰম্ভ কৰিছে ।ইপিনে অসমৰ ছয়টা সমষ্টিত তৃণমূল কংগ্ৰেছে প্ৰাৰ্থিত্ব প্ৰদান কৰি এইবেলি কমেও তিনি-চাৰিখনআসন দখল কৰিব বুলি আশা প্ৰকাশ কৰে ধুবুৰী জিলা তৃণমূল কংগ্ৰেছৰ সভাপতি সহিদূৰ ৰহমানে । আনহাতে দলটোৰ প্ৰাৰ্থী চৌধুৰীয়ে জয়লাভৰ আশা প্ৰকাশ কৰাৰ বিপৰীতে পূৰ্বৰ সাংসদ তথা এ আই ইউ ডি এফৰ প্ৰাৰ্থী বদৰুদ্দিন আজমলক সমালোচনা কৰি তেওঁৰ কাৰ্যকালত সমষ্টিৰ কোনো উন্নয়ন হোৱা নাই বুলি কৈ আজমলৰহে উন্নয়ন হৈছে বুলি উল্লেখ কৰে।