মানকাচৰত বিহু উদযাপনৰ নামত অশ্লীল নৃত্য,জুৱাৰ পয়োভৰ

দক্ষিণ শালমাৰা-মানকাচৰ জিলাৰ বিভিন্ন প্ৰান্তত বিহু উদযাপনৰ নামত পয়োভৰ ঘটিছে এতিয়া অশ্লীল নৃত্য আৰু ৰমৰমীয়া জুৱা খেলৰ ৷ কিন্তু এইক্ষেত্ৰত নিৰ্বিকাৰ দক্ষিণ শালমাৰা-মানকাচৰ আৰক্ষী প্ৰশাসন ৷

ধুবুৰী,19জানুৱাৰী: দক্ষিণ শালমাৰা-মানকাচৰ জিলাৰ বিভিন্ন প্ৰান্তত বিহু উদযাপনৰ নামত পয়োভৰ ঘটিছে এতিয়া অশ্লীল নৃত্য আৰু ৰমৰমীয়া জুৱা খেলৰ ৷ বিশেষকৈ জিলাখনৰ মানকাচৰ,ভুৰাকাটা,কালাপানী,কানাইমাৰা,হাটশিঙিমাৰী আৰু সুখচৰত ভোজপুৰি গানৰ তালে তালে চলিছে অৰ্ধ উলংগ অশ্লীল নৃত্য আৰু জুৱা খেল ৷ কিন্তু এইক্ষেত্ৰত নিৰ্বিকাৰ দক্ষিণ শালমাৰা-মানকাচৰ আৰক্ষী প্ৰশাসন ৷ ইয়াকে লৈ সৰৱ হৈ পৰিছে সমৰ্থক সংঘৰ অসম প্ৰদেশ বিজেপিৰ সাধাৰণ সম্পাদক মনিৰুজ্জামান ৷

সাংবাদিকৰ আগত সাধাৰণ সম্পাদকগৰাকীয়ে মন্তব্য কৰি কয় যে,একাংশ লোকে এনে সাংস্কৃতিক অনুষ্ঠানৰ নামত অশ্লীল নৃত্য আৰু জুৱাৰ আড্ডাৰ পয়োভৰ ঘটাই সমাজখনক একাংশই ধ্বংসৰ গৰাহলৈ ঠেলি দিছে ৷ আনহাতে,অতি শীঘ্ৰে জিলাখনত চলি থকা এনে কাৰ্য-কলাপ বন্ধ কৰাৰ লগতে এই কাৰ্যত জড়িত থকা ব্যক্তি সকলৰ বিৰুদ্ধে তদন্ত কৰিবলৈ প্ৰশাসনক দাবী জনায় ৷
লগতে পঢ়কঃঅৰুণাচল প্ৰদেশৰ বিবাদিত ভূমিত চীনৰ গাঁও নিৰ্মাণক লৈ সৰৱ কংগ্ৰেছ