ধেমাজি, 6 ফেব্ৰুৱাৰী : কোনো ষড়যন্ত্ৰ ই অসমীয়া জাতীয় জীৱন ক নি:শেষ কৰিব নোৱাৰে । অসমীয়া মানুহে কেতিয়াও তৃতীয় শ্ৰেণী নাগৰিক হিচাপে আঠু কাঢ়ি জীয়াই থকা পৰিৱেশলৈ ঘুৰি নাযায় । এই শিক্ষা অসমৰ পৰিৱেশ ইতিহাসে দেখুৱায় । সাম্প্ৰদায়িক অপশক্তিসমূহে যাতে আমাৰ সাতামপুৰুষীয়া ঐক্য সম্প্ৰীতি বিঘ্নিত কৰিব নোৱাৰে তাৰ বাবে পুলি-পুখাই উৎখাত কৰিব কৰিব লাগিব অপশক্তিক । বুধবাৰে ধেমাজি জিলাৰ চিলাপথাৰত আছুৰ সংকল্প দিৱসত এই মন্তব্য সদৌ অসম ছাত্ৰ সন্থাৰ সাধাৰণ সম্পাদক লুৰিণজ্যোতিৰ গগৈৰ । আগন্তুক নিৰ্বাচনত অপশক্তিৰ বিৰুদ্ধে সেই চিন্তাৰে ৰাইজক ভোটাধিকাৰ সাব্যস্ত কৰিবলৈও আহ্বান জনায় নেতাগৰাকীয়ে । লগতে উক্ত অনুষ্ঠানতে অপশক্তি বিৰুদ্ধে মাৰবান্ধি থিয় হোৱা ৰ সংকল্প গ্ৰহণ কৰে আছুৱে ।
চিলাপথাৰৰ আছুৰ সংকল্প দিৱসত লুৰিণজ্যোতি গগৈৰ মন্তব্য