বিলাসীপাৰাৰ বগৰীবাৰীত জব্দ বাৰ্মিজ চুপাৰি ভৰ্তি ট্ৰাক

বিলাসীপাৰাৰ বগৰীবাৰীত জব্দ কৰা হয় বাৰ্মিজ চুপাৰি ভৰ্তি এখন ট্ৰাক ৷ ট্ৰাকখনৰ পৰা জব্দ কৰা হয় 330 বস্তা চুপাৰি ৷ আৰক্ষীয়ে ইতিমধ্যে ট্ৰাকখনৰ চালক আৰু হেণ্ডিমেনক আটক কৰিছে ৷

ধুবুৰী, 3 ছেপ্টেম্বৰ:ৰাজ্যত অব্যাহত আছে গৰু, কয়লা, শিল-বালি আৰু চুপাৰি ছিণ্ডিকেট ৷ আজি বিলাসীপাৰাৰ বগৰীবাৰীত জব্দ কৰা হয় বাৰ্মিজ চুপাৰি ভৰ্তি এখন ট্ৰাক ৷ বগৰীবাৰী আৰক্ষীৰ নিয়মীয়া তালাচীত জব্দ কৰা হয় ট্ৰাকখন ৷ ট্ৰাকখনৰ পৰা জব্দ কৰা হয় 330 বস্তা চুপাৰি ৷ গুৱাহাটীৰ পৰা নাগপুৰলৈ যোৱাৰ সময়তে UP 65 GT-7457 নম্বৰৰ ট্ৰাকখন জব্দ কৰে আৰক্ষীয়ে ৷

প্ৰাপ্ত তথ্য অনুসৰি, চৰকাৰী কৰ ফাঁকি দি চুপাৰি কঢ়িয়াই নিয়া ট্ৰাকখনৰ চালক ৰামাশ্ৰেয় য়াদৱ আৰু হেণ্ডিমেন লক্ষণ প্ৰসাদ নামদেওক ইতিমধ্য়ে আটক কৰিছে আৰক্ষীয়ে ৷

অন্য় এক খবৰৰ বাবে:বৰপেটাত বিষ্ণুৰাভাৰ আৱক্ষ মূৰ্তিত মাস্ক !